Улаанбаатар
Канад Украин руу 200 цэрэг нэмж илгээнэ
ДЭЛХИЙН МЭДЭЭ | УЛС ТӨРОТТАВА. /Sputnik/. Украины цэргүүдийг бэлтгэх ажиллагааг үргэлжлүүлэх зорилгоор тус улс руу 200 цэрэг нэмж илгээнэ гэж Канадын Зэвсэгт хүчин өчигдөр мэдэгдэв.
Эдгээр цэргүүд нь Украины Засгийн газрын хүсэлтийн дагуу тус улсад цэрэг бэлтгэх ажиллагаанд оролцож байгаа канад цэргүүдийн ажлыг хөнгөвчлөх юм гэж мэдэгдэлд дурджээ.
“Өнөөдрөөс эхлээд наймдугаар сарыг дуустал ойролцоогоор 200 цэргийг Украин руу илгээнэ. Украины тусгаар тогтнол, газар нутгийн бүрэн бүтэн байдлыг хамгаалахад дэмжлэг үзүүлнэ гэсэн Канадын Засгийн газрын амлалтын дагуу энэ ажиллагааг явуулж байна” гэж мэдэгдэлд мөн дурдав.
Д.Нямтулга
