Польшийн Гадаад хэргийн сайд З.Раугийн айлчлал үргэлжилж байна

МОНГОЛЫН МЭДЭЭ | УЛС ТӨР
ariunbold@montsame.gov.mn
2022-06-06 07:52:29

Улаанбаатар /МОНЦАМЭ/. Бүгд Найрамдах Польш Улсын Гадаад хэргийн сайд бөгөөд Европын аюулгүй байдал, хамтын ажиллагааны байгууллагын 2022 оны дарга Збигнев Раугийн Монгол Улсад хийж буй албан ёсны айлчлал үргэлжилж байна.


Тэрбээр өнөөдөр 9.30 цагт Гадаад харилцааны сайд Б.Батцэцэгтэй албан ёсны хэлэлцээ хийж, Монгол, Польшийн харилцааны өнөөгийн байдлын талаар санал солилцож, худалдаа, эдийн засаг, соёл, боловсролын хамтын ажиллагааг өргөжүүлэх асуудлыг хэлэлцэхээр төлөвлөсөн байна. Улмаар хэлэлцээгээр ярьсан гол ажлын талаар 11.00 цагт ГХЯ-нд хэвлэлийн хурал хийж, 12.30 цагт МУИС-д байгуулж буй БНПУ-ын булангийн нээлтэд оролцоно. Улмаар төр, засгийн тэргүүн нарт бараалхснаар айлчлал өндөрлөх юм.


Энэ удаагийн айлчлал нь Польшийн талаас Гадаад хэргийн сайдын түвшинд манай улсад хийж буй хоёр дахь удаагийн айлчлал бөгөөд Бүгд Найрамдах Польш Улсын Гадаад хэргийн сайд В.Чимошевич 2004 онд Монгол Улсад анх айлчилж байсан юм.

Холбоотой мэдээ