Улаанбаатар
ХӨВСГӨЛ: Голомтын болон сэжигтэй бүсийн 80,5 мянган толгой малыг вакцинжуулав
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн Рашаант, Их-Уул сумын нутагт бог малын мялзан өвчин бүртгэгдсэн.
Хөвсгөл аймгийн Мал эмнэлгийн газраас голомтын болон сэжигтэй бүсийн 185 өрхийн 80,5 мянган толгой малыг вакцинжуулж, 1759 метр кв талбайд халдваргүйтгэл хийсэн байна.
Тухайн хоёр сумын 2 голомтод 312 толгой мал мялзан өвчнөөр өвчилснөөс 102
толгой мал хорогдсон байна. Өвчний голомт бүхий газарт хорио цээрийн дэглэм
хэрэгжиж байна. Улсын хэмжээнд бог малын мялзан өвчин 8 аймагт бүртгэгдээд
байна. Төвийн бүсээс Булган, Хөвсгөл, Архангай аймагт бүртгэгдсэн тул малчид сонор сэрэмжтэй байж, малын шилжилт
хөдөлгөөн хийхгүй байхыг анхааруулж байна.
