Улаанбаатар
“ОПЕК+”-ийн орнуудын олборлолтоо бууруулах шийдвэрийг Кремль сайшаав
ДЭЛХИЙН МЭДЭЭ | УЛС ТӨР
МОСКВА. /Financial Times/. Өнгөрсөн долоо хоногт “ОПЕК+”-ийн гишүүн орнууд газрын тос олборлолтоо өдөрт 2 сая баррелиар бууруулах
шийдвэр гаргасны дараа Цагаан ордон болон Саудын Арабын харилцаа улам бүр
дордсон бол энэхүү шийдвэрийг Кремль сайшаасан байна.
Кремлийн хэвлэлийн
төлөөлөгч Дмитрий Песков ням гарагт хэлэхдээ, “ОПЕК+”-ийн орнуудын олборлолтоо бууруулах тухай төлөвлөгөө, шийдвэр нь АНУ-ын
эсрэг маш зөв алхам гэдгийг онцолжээ.
Тэрбээр хэлэхдээ, “энэ
нь дор хаяж АНУ-ын үүсгэсэн эмх замбараагүй байдлыг тэнцвэржүүлнэ. Уг
шийдвэрийн улмаас АНУ тайван байдлаа алдаж эхэлсэн бөгөөд зах зээл дээр илүү их
газрын тосны нөөц гаргахыг оролдож байна” гэв.
АНУ-ын Ерөнхийлөгч Жо
Байден АНУ-ын завсрын сонгуулийн өмнө ОХУ-ыг тусгаарлаж, шатахууны үнийг
бууруулахыг оролдож байгаа тул “ОПЕК+”-ийн шийдвэр нь Жо
Байдены засаг захиргаанд дипломат цохилт болж байна.
