Улаанбаатар
Дахин төлөвлөлтийн хүрээнд 16671 айлын орон сууцыг ашиглалтад орууллаа
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Ашиглалтын шаардлага хангахгүй нийтийн зориулалттай орон сууцны барилгыг буулган, шинээр барих төслийн дүнд 3133 айлын 25 орон сууцыг ашиглалтад оруулаад байгаа.
Гэр
хорооллын дахин төлөвлөлтийн хүрээнд 18 байршил, 51 хэсэгчилсэн талбайд 16671
айлын орон сууцыг ашиглалтад орууллаа. Чингэлтэй, Сүхбаатар, Налайх дүүрэгт
төвлөрсөн инженерийн шугам сүлжээгээр
хангах боломжгүй дундын бүсийн гэр хороололд хэсэгчилсэн инженерийн хангамжийг нэвтрүүлэхээр гурван
байршилд “Дэд бүтцийн төв” төсөл
хэрэгжүүлж байгааг НИТХ-ын ээлжит хуралдааны
үеэр мэдээлсэн юм.
Хотын оршин суугчдын ая тухтай, аюулгүй орчинд амьдрах
нөхцөл бүрдүүлэхээр 144
байршилд нийтийн зориулалттай орон сууцны фасад дулаалгын ажил, 47 цахилгаан
шатыг шинэчиллээ. Түүнчлэн газрын
зөрчил арилгах хүрээнд 187
байршилд 81396 ам метр талбай бүхий 4522 гарааш чөлөөлснөөс 71384 ам метр газрыг тохижуулж, 3610 айл өрхийн
цахилгаан хангамжийг сайжруулж байна. Сэлбэ
дэд төвийн 28 мвт хүчин чадал бүхий дулааны станц, гадна инженерийн шугам
сүлжээний угсралт бүрэн дууссанаас гадна есөн байршилд 10.1 км
урт үерийн хамгаалалтын далан, сувгийг шинээр барьж, гурван байршлын 1.1 км урт
үерийн хамгаалалтын далан, сувгийг засаж шинэчилжээ.
Үүнээс гадна БНХАУ-ын Засгийн газраас Монгол Улсын Засгийн газарт олгох хөнгөлөлттэй зээлээр Улаанбаатар хотод шинэ цэвэрлэх байгууламж барих төслийн барилга угсралт 65 хувьтай үргэлжилж байгаа аж.
