Улаанбаатар
Солонгост болсон газар хөдлөлтөд монгол иргэн өртөөгүй
МОНГОЛЫН МЭДЭЭБНСУ-ын өмнөд нутагт болсон хүчтэй газар хөдлөлтөд Монгол иргэн өртсөн гэх мэдээлэл байхгүй байна гэж Гадаад харилцааны яамнаас өнөөдөр мэдээллээ.
Тус улсын Онцгой байдлын газрын 9 дүгээр сарын 13-ны өдрийн өглөөний 5 цагт гаргасан дүгнэлтээс үзвэл Кёнсанд 8 хүн, Кёнбүгд 5 хүн, Тэгү хотод 2 хүн, Чоннам аймагт 1 хүн бэртсэн байна.
Өмнөд Солонгосын Цаг уурын агентлагийн мэдэгдсэнээр, орон нутгийн цагаар даваа гарагийн оройн 7:44 цагт Умард Кёнсан аймгийн Кёнжу хотод 5.1 баллын, 8:32 цагт тус хотоос холгүй орших газарт 5.8 баллын хүчтэй газар хөдлөлт болсон гэж олон улсын хэвлэл мэдээллийн байгууллагуудаас мэдээлж буй.
Б.Туул
Гэрэл зургийг Т.Чимгээ
