Улаанбаатар
ОРХОН: Монгол Улсын Ерөнхийлөгчийн зарлигаар Д.Дэлгэрбаяр, Д.Батболд нарт гавьяат цол олголоо
ОРОН НУТГИЙН МЭДЭЭ | ОРХОН
Баян-Өндөр,
2023 оны арванхоёрдугаар сарын 6 /МОНЦАМЭ/. Монгол Улсын
Ерөнхийлөгчийн зарлигаар Гавьяат эдийн засагч цол тэмдгээр Д.Дэлгэрбаяр, Гавъяат
механикжуулагч цол тэмдгээр Д.Батболд нарыг шагнажээ. Шагналыг УИХ-ын гишүүн Д.Батлут, аймгийн ИТХ-ын дарга
Д.Мөнхбат нар гардууллаа.
Гавьяат эдийн засагч Д.Дэлгэрбаяр Жаргалант сумын “Орхон тариа” ХХК-ийн
зөвлөхөөр ажилладаг. Орхон аймгийн Нийгмийн
даатгалын хэлтсийн дарга, Булган аймгийн Нефть хангамжийн газарт эдийн засагч, “Эрдэнэт
үйлдвэр” ХХК-д Нийгийн асуудал эрхэлсэн орлогч захирал, Орхон аймгийн Засаг
даргаар ажиллаж байсан.
Гавъяат механикжуулагч Д.Батболд 1980-1990 онд Эрдэнэт хотын Улаантолгой сангийн аж ахуйд засварын инженер, Хадлан тэжээлийн бригадын дарга, ерөнхий инженер хийж байсан юм. 1990 оноос “Талын нуур” ХХК-ийн захирлаар ажиллаж хөдөө аж ахуйн салбарт 40 жил ажиллажээ.
