ӨНӨӨДӨР: ХЭҮК-оос сэтгүүлчидтэй уулзана
МОНГОЛЫН МЭДЭЭ | НИЙГЭМУлаанбаатар,
2023 оны арванхоёрдугаар сарын 26 /МОНЦАМЭ/. Арванхоёрдугаар сарын 26-ны мягмар
гарагт болох зарим үйл явдлын тойм:
10.00
цагт: УИХ-ын ажлын хэсэг болон байнгын хороодын хуралдаан
болно.
11.00
цагт: ЭМЯ-нд: Томуу өвчний нөхцөл байдал, эмнэлгийн тусламж үйлчилгээ, халтиргаа гулгаанаас
үүдэлтэй осол гэмтлээс урьдчилан сэргийлэх, шинэ жилийн баяртай холбоотой хоол
хүнсний аюулгүй байдлыг хангах талаар мэдээлж, зөвлөнө. Утас: 9612-1060.
12.00 цагт: ОХУ-ын ЭСЯ-наас Халхын
голын 85 жилийн ойг угтан 1939 оны Халхгол, 1945 оны Чөлөөлөх дайнд оролцсон
фронтын сувилагч, өдгөө 100 настай ахмад дайчин Цэрэнгийн Чимидцэрэнтэй
уулзана.
12.00
цагт: “ЗМ” мэдээллийн төвд: Монгол Улсын СГЗ, Д.Нацагдоржийн
нэрэмжит болон МЗЭ-ийн шагналт зохиолчид “Үндэсний эрх чөлөө, тусгаар тогтнол,
эх орон, газар шороо” сэдвээр, цаг үеийн асуудлаар төр, засагт өргөх бичиг хүргүүлж буй талаар мэдээлнэ.
16.00
цагт:
ХЭҮК-оос “Хүний эрхийн төлөө” клубын сэтгүүлчидтэй судалгаа болон цаг үеийн
асуудлаар чөлөөт уулзалт хийнэ. Утас: 9902-8438.
18.00
цагт: Д.Сүхбаатарын талбайд: Шинэ жилийг угтан өдөр бүр урлагийн тоглолт хийж байна. Өнөөдөр Монгол Улсын Консерваторийн саксофончин
Ц.Нямгэрэлийн жазз хөгжмийн тоглолт болно.
-Харшийн сүлд модны наадам болж байна. Шинэ жилийн наадам 12-р сарын 25-30 хүртэл үргэлжилнэ.
-МУЭ-ийн үзэсгэлэнгийн танхимд оны шилдэг бүтээлүүдийн үзэсгэлэн үргэлжлэн гарч байна.