Улаанбаатар
Наадмын нээлтийн тасалбарыг өнөөдөр 20:00 цагаас www.ticket.mn сайтаар худалдана
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойн баяр наадмын нээлтийн үйл ажиллагаа болон зохион байгуулалтын талаарх мэдээллийг холбогдох албаныхан өглөө.
Үндэсний их баяр наадмын нээлт маргааш 11:00 цагт Төв цэнгэлдэх хүрээлэнд болно. Тэгвэл наадмын нээлтийг маргааш 22:00 цагт дахин нэг удаа тоглох юм.
Тасалбарыг өнөөдөр 20:00 цагаас www.ticket.mn сайтаар худалдаж эхэлнэ.
Тасалбар 79.000, 89.000, 99.000 төгрөгийн үнэтэй байна. Ингэхдээ тайз, дэлгэц хослуулсан, шинэлэг тоглолтын оройн хувилбарыг анх удаа үзэх боломжийг наадамчин олондоо олгож байгааг онцоллоо.
