Улаанбаатар, 2024 оны наймдугаар сарын 8 /МОНЦАМЭ/. Дэлхий даяар хүн төрөлхтний эв нэгдлийн бэлгэ тэмдэг болсон “Парис-2024” зуны XXXIII Олимпын наадмын сэтгэл хөдөлгөм мөчүүдээр дүүрэн өдөр хоногууд өнгөрч байна.

Спортын шинэ түүхэн амжилт, ялалт, ялагдлуудаас гадна Олимпын эргэн тойронд болсон онцлог зүйлсийг танилцуулъя.

100 жилийн дараа дахин Парист...

Парис хотод өмнө нь 1900, 1924 онд Олимпын наадмыг зохион байгуулж байжээ. Тэгвэл үүнээс даруй 100 жилийн дараа буюу 2024 онд гурав дахь удаагаа Олимпын наадам Парис хотод болсон нь энэ байв. 

ЗЗ дахь зуны Олимпод 32-уулаа

Мөн зуны 33 дахь удаагийн Олимпод Монголоос 32 тамирчин эрхээ авч өрсөлдөн чамлахааргүй амжилт гаргаж байна. Тэдний тэмцэл, ялалт, ялагдал гээд сэтгэл догдлуулсан мөч бүрд нь хамтдаа байх боломжийг олгох зорилгоор энэ удаагийн Олимпын наадмын шууд дамжуулалтыг ивээн тэтгэгчээр “Юнител” групп ажиллаж байна.

5250 эрэгтэй, 5250 эмэгтэй тамирчин

Парис 2024 зуны Олимпод 10500 тамирчин оролцов. Эрэгтэй, эмэгтэй тамирчид тэнцүү оролцсон анхны Олимп боллоо.

Үзэсгэлэнт хүрээлэн дэх 15 соёл

Олимпын үеэр дээрх тооны тамирчдаас гадна дэлхийн өнцөг булан бүрээс ирэх мянга мянган зочин, төлөөлөгч, жуулчинд өөрсдийн соёл уламжлал, ёс заншил, түүх соёлыг 15 орон л таниулан ажилласны нэг нь Парисын үзэсгэлэнт La Villette цэцэрлэгт хүрээлэнд нээсэн “Mongolia House” хотхон байв. “Юнител” групп эх орондоо байгаа үзэгчдэд Олимпыг шууд үзэх боломжоор хангаад зогсохгүй дэлхий дахинд эх орноо сурталчлах, баг тамирчдаа дэмжих зорилгоор дээрх төслийг мөн дэмжин ажиллалаа.

Парисын цамхаг дахь монгол малгай

Энэ удаагийн Олимпын тэмцээнүүдийг Францын алдартай дурсгалт газруудад зохион байгуулсан нь онцлог байлаа. Жишээлбэл, эрэгтэйчүүдийн марафон, элсний волейбол зэрэг тэмцээн Эйфелийн цамхгийн ойролцоо болов. Дэлхий даяар Эйфелийн цамхаг тренд болж байгаа энэ үед “Юнител” групп баг тамирчдаа дэмжин, медаль авахыг бэлгэшээн үндэсний малгайтай цамхгийг дүрслэн VFX видео хийсэн нь тун өвөрмөц байлаа.

2024 урамшуулал...

Парисын зуны Олимпод оролцож буй баг тамирчдын авсан медалийн өнгөнөөс хамаарч хэрэглэгч таны авсан дата үржигдэн орох урамшууллыг мөн дээрх компани зарласан юм. Тодруулбал, долоодугаар сарын 22-ноос наймдугаар сарын 11-ний хооронд Unitel апп-аас хүссэн нэг үйлчилгээгээ авсан хэрэглэгчдээ дата урамшуулалд оролцох эрх нээх ба Монголын баг тамирчид:  

• Алтан медаль хүртвэл 2024MB x3

• Мөнгөн медаль хүртвэл 2024MB x2

• Хүрэл медаль хүртвэл 2024MB x1 гэсэн урамшууллыг зарласан нь баг тамирчдынхаа ололт амжилтыг хамтдаа тэмдэглэж, бусадтай хуваалцах боломжийг олголоо.

Олимп дуусаагүй...

“Парис 2024” зуны Олимп хэдхэн хоногийн дараа буюу наймдугаар сарын 28-наас есдүгээр сарын 8-ны өдөр хүртэл паралимпаар үргэлжилнэ. Тиймээс хэдийн бэлтгэлээ ханган, Парисыг зорьж буй тамирчдаа дэмжин, амжилт ялалтыг нь алдаршуулах зорилгоор дээрх урамшуулал үргэлжлэх юм.

Өнөөдрийн амжилтын эхлэл

Монгол Улс олимпын түүхэндээ нийт таван төрлийн спортоор амжилт гаргаж байв. Тэдгээртэй танилцахыг хүсвэл энд  \: unitel.mn/olympics/\ дараарай.

Жил жилийн Олимпод амжилттай оролцож, эх орныхоо нэрийг дэлхийн тавцанд дуурсгасан баг тамирчдаа хамтдаа алдаршуулж, энэ жил ч мөн түүхэн шинэ амжилтыг гаргаж буй тамирчдаа хамтдаа дэмжье.