Улаанбаатар
БАЯН-ӨЛГИЙ: "Бүргэдийн баяр"-ыг ирэх сарын 5, 6-ны өдөр зохион байгуулна
ОРОН НУТГИЙН МЭДЭЭ | БАЯН-ӨЛГИЙ
Өлгий, 2024 оны есдүгээр сарын 13 /МОНЦАМЭ/. Баян-Өлгий аймагт жил бүрийн 10 дугаар сарын эхний долоо хоногийн амралтын өдрүүдэд "Бүргэдийн баяр" зохион байгуулдаг уламжлалтай. Уг аялал жуулчлалын үйл ажиллагааг аймгийн ЗДТГ, Монголын бүргэдчид холбоо хамтран ирэх сарын 5, 6-ны өдрүүдэд тус аймгийн Бугат сумын нутаг болох Чандмань толгой хэмээх газарт 25 дахь удаагаа зохион байгуулна.
2010 онд ЮНЕСКО-гийн "Хүн төрөлхтний соёлын биет бус өвийн төлөөллийн жагсаалт"-д албан ёсоор бүртгэсэн бүргэдээр ан хийх уламжлалыг хадгалж хамгаалах, өвлөн уламжлуулагчдыг тодруулах, алдаршуулах, олон нийтэд сурталчилж түгээн дэлгэрүүлэх замаар өвлийн аялал жуулчлалыг дэмжих зорилготой тус үйл ажиллагаа нь Монгол Улсын аялал жуулчлалын үйл ажиллагаануудын хуанлид жил бүр тусгагддаг.
Бүргэдийн баярыг 2000 оноос Баян-Өлгий аймагт, 2006 оноос Улаанбаатар хотод (жил бүрийн гуравдугаар сарын эхэнд) зохион байгуулж байна. 2000 онд Баян-Өлгий аймагт зохион байгуулсан анхны бүргэдийн баярт 60 бүргэдчин оролцож байжээ.
Уламжлал ёсоор бүргэдийн баярт Баян-Өлгий аймгийн 13 сумаас 100 гаруй бүргэдчин оролцож, бүргэдээ биедээ дасгасан, ан агнахад сургасан байдлаа сорин өрсөлдөнө. Мөн энэ үеэр казах түмний үндэсний тоглоом болох мөнгө шүүрэх /тенге илу/, тулам булаалдах /көкпар/, хүүхэн хөөх /кыз хуар/ тэмцээн болон урианхай сурын харваа, морьт харваа, орон нутгийн брэнд бүтээгдэхүүний үзэсгэлэн зэргийг үзэж сонирхох боломжтой.
БҮРГЭДИЙН БАЯРЫН ХӨТӨЛБӨР
|
Цаг |
Үйл ажиллагаа |
|
2024 оны 10 дугаар сарын 5-ны өдөр |
|
|
09:00-10:00 |
Бүргэдчдийг бүртгэх |
|
10:00-11:00 |
Баярын нээлтийн үйл ажиллагаа /тусгай хөтөлбөрөөр/ |
|
11:00-13:00 |
Бүргэдчдийн хувцас болон морины тоног хэрэгсэл, бүргэдээ биедээ дасгасан
байдлыг шалгаруулах |
|
13:00-14:00 |
Үдийн завсарлагаа |
|
14:00-17:00 |
Тэмцээний үргэлжлэл |
|
14:00-15:00 |
Казах үндэстний мөнгө шүүрэх тэмцээн /тенге илу/ |
|
14:00-16:00 |
Урианхай сурын харваа |
|
15:00-16:00 |
Казах үндэстний морин харвааны тэмцээн /жамбы ату/ |
|
18:00-19:00 |
Хөгжимт драмын театрын урлагийн тоглолт |
|
2024 оны 10 дугаар сарын 6-ны өдөр |
|
|
10:00-13:00 |
Бүргэдээ анд сургасан байдлыг шалгаруулах /шырга тарту/ |
|
13:00-14:00 |
Үдийн завсарлагаа |
|
14:00-14:30 |
Казах үндэстний тойрон бүжиг «Кара жорга» |
|
14:30-15:30 |
Казах үндэстний тулам булаалцах тэмцээн /көкпар/ |
|
15:30-16:30 |
Казах үндэстний морин дээрх барилдаан /аударыспах/ |
|
16:30-17:00 |
Бүргэдийн баярын хаалтын ажиллагаа /шагнал гардуулах/ |
|
|
|
Холбоотой мэдээ
