Улаанбаатар
А.Овечкин 860 дахь гоолоо орууллаа
ДЭЛХИЙН МЭДЭЭ | СПОРТ
МОСКВА, 2024 оны арваннэгдүгээр сарын 4 /РИА Новости/. Хойд Америкийн Үндэсний хоккейн лигийн "Вашингтон Кэпиталз" багийн ахлагч, Оросын довтлогч Александр Овечкин "Каролина Харрикейнз" багтай хийсэн тоглолтод нэг шайб оруулснаар түүний оруулсан нийт гоолын тоо 860 боллоо.
Хэдийгээр Овечкин 60 дахь
минутанд нэг шайб оруулсан боловч түүний ахалсан баг талбайн эзэн "Каролины
Харрикейнз" багт 4:2 харьцаагаар хожигдсон байна.
Ингэснээр өдгөө 39 настай Овечкины хувьд Үндэсний хоккейн лигийн /NHL/ түүхэн дэх шилдэг мэргэн буучдын жагсаалтыг тэргүүлж буй Уэйн Гретцкийн амжилтад хүрэхийн тулд дахин 34 шайб оруулах хэрэгтэй болж байна. Тус лигийн бүх цаг үеийн шилдэг довтлогч У.Гретцки 1487 тоглолтод оролцохдоо өрсөлдөгчдийнхөө хаалганд 894 шайб оруулсан билээ.
Өөр нэгэн сонирхолтой статистик үзүүлэлт гэвэл, А.Овечкин Үндэсний хоккейн лигийн
аварга шалгаруулах тэмцээнүүдэд оролцохдоо 33 дахь удаагаа дөрвөн тоглолтод
дараалан гоол орууллаа. Энэ үзүүлэлтээр Марио Лемье тэргүүлдэг бөгөөд тэрбээр
34 удаа дөрвөн тоглолтод шайб оруулжээ.
А.Овечкин сүүлийн 4 тоглолтод 5 гоол оруулж, 4 оновчтой дамжуулалт
хийснээр 9 оноо авсан байна.
