Улаанбаатар
БАЯН-ӨЛГИЙ: Энэ сард нутгийн зүүн хойд хэсгээр олон жилийн дунджаас хүйтэн байна
ОРОН НУТГИЙН МЭДЭЭ | БАЯН-ӨЛГИЙ
Өлгий, 2024 оны арванхоёрдугаар сарын 1 /МОНЦАМЭ/. Баян-Өлгий аймгийн зүүн хойд хэсгээр энэ сард агаарын температур олон жилийн дунджаас хүйтэн, нутгийн бусад хэсгээр олон жилийн дундаж орчим хүйтэн байна гэж аймгийн Ус, цаг уур, орчны шинжилгээний төвөөс мэдээллээ.
Нэгдүгээр арав хоногийн эхэн, хоёрдугаар арав хоногийн сүүл, гуравдугаар арав хоногийн эхэн үеүдэд агаарын температур олон жилийн дунджаас 1-2 хэмээр дулаан байна. Харин нэгдүгээр арав хоногийн сүүл, хоёрдугаар арав хоногийн эхэн болон дунд, гуравдугаар арав хоногийн сүүл үеэр олон жилийн дунджаас 1-2 хэмээр хүйтэн байх төлөвтэй.
Тухайн сард нутгийн баруун өмнөд хэсгээр олон жилийн дунджаар 2-8 мм, бусад хэсгээр 0-2 мм цас ордог. Энэ жилийн хувьд нутгийн өмнөд хэсгээр олон жилийн дунджаас бага, бусад нутгаар дундаж орчим цас орно.
Нэг болон хоёрдугаар арав хоногийн дунд, гуравдугаар арав хоногийн эхэн үед
цас орж, ихэнх нутгаар салхи шуургатай байх төлөв ажиглагдсан байна.
