Улаанбаатар
СЭЛЭНГЭ: Хүйтний эрч эрс чангарна
ОРОН НУТГИЙН МЭДЭЭ | СЭЛЭНГЭ
Сүхбаатар, 2025 оны хоёрдугаар
сарын 3 /МОНЦАМЭ/.
Ирэх өдрүүдэд цас орж, хүчтэй цасан шуурга шуурч,
хүйтний эрч эрс чангарахыг аймгийн УЦУОШТ-өөс мэдээллээ.
Өнөөдрийн 20.00
цаг хүртэлх цаг
агаарын урьдчилсан мэдээгээр Сэлэнгэ
аймгийн нутгаар багавтар үүлтэй. Цас орохгүй.
Салхи баруунаас секундэд 4-9 метр. Агаарын температур шөнөдөө -28-33
градус, өдөртөө -16-21 градус хүйтэн байна.
Аймгийн төв Сүхбаатар хот орчмоор
багавтар үүлтэй. Цас орохгүй. Салхи баруунаас секундэд 3-8 метр. Агаарын
температур шөнөдөө -29-31 градус, өдөртөө -17-19 градус хүйтэн байна.
2 дугаар сарын 4-8-ныг хүртэлх 5 хоногийн цаг агаарын урьдчилсан мэдээгээр
3-4-нд шилжих шөнө зарим сумын нутгаар, 5-нд ихэнх сумын нутгаар
цас орж, цасан шуурга шуурна.
Бусад хугацаанд цас орохгүй. Салхи ихэнх хугацаанд баруун хойноос
секундэд 4-9 метр, 5-нд бүх сумын нутгаар түр зуур секундэд 9-14 метр хүрч
ширүүснэ. Агаарын температур шөнөдөө -26-31 градус, өдөртөө -15-20 градус
хүйтэн байна.
6-наас Орхон, Сэлэнгэ, Хараа, Ерөө голын сав газраар шөнөдөө -35-40
градус, өдөртөө -25-30 градус, бусад сумдын нутгаар шөнөдөө -30-35 градус,
өдөртөө -20-25 градус хүрч хүйтний эрч чангарна.
