Улаанбаатар
ХОВД: Энэ сарын 7-ноос хүйтний эрч бага зэрэг чангарна
ОРОН НУТГИЙН МЭДЭЭ | ХОВД
Жаргалант, 2025 оны хоёрдугаар сарын 3 /МОНЦАМЭ/. Ховд аймгийн Ус, цаг уур, орчны
шинжилгээний төвөөс энэ сарын 13-ны өдөр хүртэлх цаг агаарын урьдчилсан төлөв
мэдээллийг танилцууллаа.
Энэ арав хоногт зарим газраар бага зэргийн цас орох ба энэ сарын 7-ны өдрөөс ихэнх нутгаар хүйтний эрч бага зэрэг чангарна.
Энэ сарын 4, 6-нд нутгийн хойд
хэсгээр, энэ сарын 9-нд зарим газраар бага зэргийн цас орох төлөвтэй. Салхи энэ
сарын 4, 5, 6-нд зарим газраар секундэд 6-11 метр, алтайн салбар уулсаар
секундэд 14-16 метр хүрч ширүүснэ. Бусад хугацаанд ихэнх нутгаар салхи секундэд
3-8 метр байна.
Агаарын температурын хувьд Алтайн өвөр говь болон уулархаг нутгаар шөнөдөө -19-24 градус, өдөртөө -9-14 градус, Цэцэг, Эрдэнэбүрэн, Дөргөн сумын нутгаар шөнөдөө -29-34 градус, өдөртөө -18-23 градус байна. Бусад нутгаар шөнөдөө -24-29 градус, өдөртөө -13-18 градус хүйтэн байх төлөвтэй гэж Ховд аймгийн Ус, цаг уур, орчны шинжилгээний төвөөс мэдээллээ.
