Чингис хотын захирагч ирэх сарын 7-нд тодорно
ОРОН НУТГИЙН МЭДЭЭ | ХЭНТИЙ2016 оны сум дүүргийн ИТХ-ын сонгуулийн үр дүнгээр Хэнтий аймгийн төв Хэрлэн суманд МАН-17, АН-14 суудал авчээ. Энэ сарын 26-ны өдөр тус сумын ИТХ-ын тэргүүлэгчид отгон хуралдаанаа хийж, долоо дахь удаагийн сонгуулиар сонгогдсон сумын ИТХ-ын анхдугаар хуралдааны товыг баталлаа.
Шинээр бий болсон ИТХ-ын Төлөөлөгчдийн анхдугаар хуралдааныг ирэх сарын 07-ны өдрийн өглөөний 09 цагт Аймгийн Иргэний танхимд хуралдуулахаар болжээ. Анхдугаар хуралдаанаар, Сумын ИТХ-ын сонгуулийн дүн, Төлөөлөгчдийн бүрэн эрхийг зөвшөөрөх тухай, Сумын ИТХ-ын дэгийг батлах тухай, Сумын Иргэдийн Төлөөлөгчдийн Хурлын дарга, тэргүүлэгчдийг сонгож батлах, Хэрлэн сумын Засаг дарга буюу Чингис хотын захирагчид нэр дэвшүүлж уламжлах тухай асуудлуудыг тус тус хэлэлцэх аж.
Хэнтий Д.Одонтунгалаг