Улаанбаатар
ХӨВСГӨЛ: Уйгарын үеийн бичгийн дурсгал “Тэсийн гэрэлт хөшөө”
ОРОН НУТГИЙН МЭДЭЭ | ХӨВСГӨЛ
Мөрөн, 2025 оны дөрөвдүгээр сарын 2 /МОНЦАМЭ/. Хөвсгөл аймгийн Цагаан-Уул сумын нутаг Тэсийн голын эх буюу Өвөр булгийн Хөх толгой хэмээх газраас 1976 онд Монгол Зөвлөлтийн түүх, соёлыг судлах хамтарсан экспедицийн бичиг үсгийн дурсгал судлах багийнхан Уйгарын үеийн Тэсийн гэрэлт хөшөөг олж илрүүлжээ.
Улаан цайвар өнгийн боржин чулуун энэхүү гэрэлт хөшөөний гуравны нэг нь болох доод суурь хэсэг одоогоор олдоод байгаа бөгөөд бичээсийн 40-50 хувь маш их гэмтжээ.
Гэрэлт хөшөөний хугархайн өндөр 89 см, өргөн 32 см, зузаан 22 см бөгөөд бусад хэсэг олдоогүйн улмаас бичээсийн бүрэн утга агуулгыг гаргахад хүндрэлтэй гэнэ.
Хөшөөний ерөнхий төрх, түүний үсэг зурлагын хэв маяг нь Тариатын гэрэлт хөшөөний бичигтэй нэлээд төстэй.
Бичээсийн эхлэл хэсэгт уйгарууд 300 жил төр барьсан талаар тэмдэглэжээ.
Хөшөөний доод хэсэгт Тэрхийн дурсгал, шинэ усны дурсгалтай ижил тамга
сийлсэн байна.
