Улаанбаатар
УВС: Гар зургийн болон эсээ бичлэгийн уралдаан зарлалаа
ОРОН НУТГИЙН МЭДЭЭ | УВС
Улаангом, 2025 оны дөрөвдүгээр сарын 4
/МОНЦАМЭ/. Монгол
Улсын үндэсний мөнгөн тэмдэгт болох
төгрөгийг анх гүйлгээнд гаргасны 100 жилийн ойг тохиолдуулан төгрөгийн зохистой
хэрэглээг төлөвшүүлэх, түүх, хамгаалалтын элементийг таниулах, мөнгөний үнэ
цэн, зөв хэрэглээний дадалд сургах зорилгоор эсээ бичлэг болон гар зургийн
уралдааныг Монгол банкнаас
зарлаж байна.
Эсээ
бичлэгийн уралдаанд оролцох материалыг 5 дугаар сарын 15-ны өдрийн 18.00 цаг хүртэл
essay@mongolbank.mn хаягаар хүлээн авах юм. Мөн гар зургийн уралдаанд оролцох бүтээлийг
5 дугаар сарын
15-ны өдрийн 18.00 цаг хүртэл Монголбанкны төв байр болон орон нутаг дахь
хэлтэс, салбарт хүлээн авна. Гар зургийн уралдаанд оролцох сурагчид бүтээлээ Увс аймаг
дахь Монгол банкны салбарт хүргэж өгөх боломжтой. Энэхүү уралдаанд ЕБС-ийн
6-12 дугаар ангийн буюу ахлах, дунд ангийн сурагчдын дунд зохиож байна.
Дэлгэрэнгүй
мэдээллийг Монголбанкны орон нутаг дахь хэлтэс, салбар болон www.mongolbank.mn цахим хуудас, 11-311240 дугаарын утсаар лавлах
боломжтой байна.
