Улаанбаатар
Нутгийн 90 гаруй хувьд ургамал цухуйжээ
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны тавдугаар сарын 5 /МОНЦАМЭ/. Манай орны нийт нутгийн 90 гаруй хувьд бэлчээрийн ургамал цухуйгаад байна.
Ус цаг уур, орчны судалгаа мэдээллийн хүрээлэнгийн мэдээлснээр, өнгөрсөн сарын
30-ны байдлаар Орхоны нийт, Булган, Сэлэнгэ, Говьсүмбэрийн ихэнх, Увс, Ховд,
Говь-Алтай, Баянхонгор, Төв, Өмнөговь, Дорноговь, Сүхбаатарын зарим, Хөвсгөл,
Өвөрхангай, Дархан-Уул, Хэнтийн цөөн сумдын нутгаар дунд, Дорнодын нийт,
Хөвсгөл, Дархан-Уул, Хэнтийн ихэнх, Увс, Говь-Алтай, Булган, Сэлэнгэ, Төв,
Өмнөговь, Дорноговийн ганц нэг сумын нутгаар ургамал хэвийн ургажээ. Харин Говь-Алтай, Завхан,
Архангай, Өвөрхангай, Дундговь, Дорноговь, Сүхбаатарын ихэнх, Баян-Өлгий,
Увс, Ховд, Баянхонгор, Төв, Өмнөговийн зарим сумын ургамал муу ургасан аж.
Салхины хурд тал хээр, говийн нутгаар түр зуур 16-27 м/с буюу аюултай үзэгдлийн,
Говь-Алтайн Бугат, Баянхонгорын Богд, Өвөрхангайн Баруунбаян-Улаан, Сэлэнгийн
Орхонтуул, Дархан-Уулын Шарын гол,
Төвийн Угтаал цайдам, Өмнөговийн
Цогт-Овоод 27-30 м/с буюу аюултай үзэгдлийн хэмжээнд хүрч салхилсан байна.
Агаарын
температур өнгөрсөн арав хоногт нийт
нутагт дунджаас 1.1-4.9 градусаар дулаан, хур тунадас Дорнодын ихэнх, Увс,
Ховд, Завхан, Өвөрхангай, Хэнтийн зарим сумын нутгаар дундаж орчимд буюу түүнээс ахиу, бусад нутагт дунджаас бага оржээ.
