Улаанбаатар
ХСИС-ийн байранд 200 хүүхдийн цэцэрлэг нээлээ
МОНГОЛЫН МЭДЭЭ | ХУУЛЬМонгол Улсын Засгийн газрын 2016-2020 оны үйл ажиллагааны мөрийн хөтөлбөрт “Хүүхэд бүр цэцэрлэгт” хөтөлбөр хэрэгжүүлэхээр тусгасан. Энэ хүрээнд Нийслэлийн Баянзүрх дүүргийн 32 дугаар цэцэрлэгийн салбар болгон ХСИС-ийн нэгэн байрыг засварлан тохижуулж 200 хүүхдийн цэцэрлэгийн нээлтийг хийлээ.
Нээлтийн арга хэмжээнд ХЗДХ-ийн сайд С.Бямбацогт, БСШУСЯ-ны Бодлогын хэрэгжилтийг зохицуулах газрын дарга М.Мөнхбаатар зэрэг албаны хүмүүс оролцов. Энэ үеэр цэцэрлэгт элссэн багачуул зочдод урлагийн тоглолт үзүүлсэн байна. Тус цэцэрлэгт ХСИС-ийн багш, албан хаагч, ажилчдын 105, Баянзүрх дүүргийн 8 дугаар хороонд оршин суугчдын 95 хүүхэд хамрагдаж, шинээр 27 хүн ажлын байртай болжээ. Улмаар ХСИС-ийн ажилчид төдийгүй хорооны иргэдийн нийгмийн асуудлыг шийдвэрлэхэд бодитой үр дүн бүхий ажил болжээ. ХЗДХ-ийн сайд С.Бямбацогт тус цэцэрлэгийн дотоод үйл ажиллагаатай танилцсан байна.
Ж.Батсайхан
