Улаанбаатар
С.Батболд "СоцИнтерн" байгууллагын Дэд ерөнхийлөгчөөр дахин сонгогдов
МОНГОЛЫН МЭДЭЭУлаанбаатар /МОНЦАМЭ/. Зүүний, Зүүн төвийн чиг баримжаа бүхий 153 улс төрийн хүчнийг эгнээндээ нэгтгэсэн 150 гаруй жилийн түүхтэй "СоцИнтерн" байгууллагын ээлжит 25 дугаар их хурал Колумби улсын Картахена хотод энэ сарын 2-4-нд болж өнгөрлөө.
Уг хуралд МАН-ын Удирдах зөвлөлийн гишүүн, УИХ-ын гишүүн С.Батболд, НАМЭХ-ны Ерөнхийлөгч, УИХ-ын гишүүн Ц.Цогзолмаа, МАН-ын гадаад харилцааны албаны дарга Б.Мөнхжин нарын төлөөлөгчид оролцов.
УИХ-ын гишүүн С.Батболд тус байгууллагын Дэд ерөнхийлөгчөөр 2012 оноос сонгогдон ажиллаж байгаа бөгөөд энэ удаагийн хурлаар нийт гишүүдийн 100 хувийн саналаар дахин 4 жилийн хугацаатай ажиллахаар улиран сонгогджээ.
Б.Туул
