Ойн түймрийг унтраахаар ажиллаж байна
ОРОН НУТГИЙН МЭДЭЭ | ДОРНОД
Дорнод /МОНЦАМЭ/. Дорнод аймгийн Баяндун сумын нутагт гарсан ойн түймрийг унтраахаар амйгийн Онцгой байдлын алба хаагчид хоёр дахь өдрөө ажиллаж байна. Өчигдөр өглөө 09.42 цагт тус сумын төвөөс 42 км-т орших Хайрхан багийн нутаг, Угтамын цагаан уул гэдэг газарт ойн түймэр гарсан тухай дуудлагыг ОБГ-т ирүүлжээ. Одоогоор онцгой байдлын 23 алба хаагч, орон нутгийн 11 иргэн, 3 техник хэрэгсэлтэйгээр түймрийн голомтод ажиллаж байна.
Энэ зун тус аймгийн нутагт хуурайшилт өндөр байгаа нь түймрийг унтраахад саад учруулж байна гэж тус аймгийн Онцгой байдлын газраас мэдээллээ.
Д.Дэлгэрмаа