Улаанбаатар
Иргэд Дархан хотын статусыг сэргээхийг хүсэв
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ/. Монгол Улсын Үндсэн хуульд оруулах нэмэлт, өөрчлөлтийн төслийн талаарх сургалт, хэлэлцүүлгийг өнөөдөр Дархан-Уул аймгийн Дархан суманд зохион байгуулав.
УИХ-ын Төсвийн байнгын хорооны ахлах зөвлөх Ц.Батбаатараар ахлуулсан ажлын хэсгийн сургалтад Дархан-Уул аймгийн Дархан сумын 18 багийн Засаг дарга нар, нутгийн өөрөө удирдах ёсны байгууллагын болон төрийн байгууллагын албан хаагчид гээд нийт 80 гаруй хүн оролцов.
Сургалтыг Монгол Улсын Их Хурал, Монгол Улсын Ерөнхийлөгч, Монгол Улсын Засгийн газар, Төрийн алба, Шүүх эрх мэдэл, Монгол Улсын засаг захиргаа, нутаг дэвсгэрийн нэгж, түүний удирдлага гэсэн үндсэн зургаан сэдвийн хүрээнд явагдав. Сургалтад хамрагдсан төрийн албан хаагчид дараагийн хоёр, гурав дахь шатны хэлэлцүүлгийг баг, сумддаа үргэлжлүүлэн зохион байгуулна.
Төсөл хэлэлцүүлэгч баг үргэлжлүүлэн Монгол Улсын Үндсэн хуульд оруулах нэмэлт, өөрчлөлтийн төслийн талаар иргэдийн дунд хэлэлцүүлэг өрнүүлж, Үндсэн хуульд оруулах нэмэлт, өөрчлөлтийн төсөлд иргэдээс санал авав. Өнөөдрийн хэлэлцүүлэгт 180 гаруй иргэн оролцов. Хэлэлцүүлгийн үеэр иргэд Үндсэн хуульд оруулах нэмэлт, өөрчлөлтийн төслийг дэмжиж буйгаа илэрхийлэхийн зэрэгцээ хэлэлцүүлэгч баг хуулийн заалтуудыг харьцуулан тайлбарлаж буйд талархалтай байв.
Иргэдийн зүгээс Дархан хотын статусыг сэргээх, сумын Засаг даргыг нийт иргэдийн дундаас сонгох, багийн Засаг даргыг сумын Засаг дарга томилох нь зүйтэй, УИХ-ын гишүүдийг эргүүлэн татах эрхийг ард түмэнд олгох, тэдэнд хариуцлага тооцох зэрэг асуудлуудад нэгдмэл саналтай байв.
Төсөл хэлэлцүүлэгч баг үргэлжлүүлэн Дархан-Уул аймгийн Шарын гол суманд Монгол Улсын Үндсэн хуульд оруулах нэмэлт, өөрчлөлтийн төслийн талаарх сургалт, хэлэлцүүлгийг энэ сарын 18-ны өдөр зохион байгуулах аж.
УИХ-ын Төсвийн байнгын хорооны ахлах зөвлөх Ц.Батбаатараар ахлуулсан ажлын хэсгийн сургалтад Дархан-Уул аймгийн Дархан сумын 18 багийн Засаг дарга нар, нутгийн өөрөө удирдах ёсны байгууллагын болон төрийн байгууллагын албан хаагчид гээд нийт 80 гаруй хүн оролцов.
Сургалтыг Монгол Улсын Их Хурал, Монгол Улсын Ерөнхийлөгч, Монгол Улсын Засгийн газар, Төрийн алба, Шүүх эрх мэдэл, Монгол Улсын засаг захиргаа, нутаг дэвсгэрийн нэгж, түүний удирдлага гэсэн үндсэн зургаан сэдвийн хүрээнд явагдав. Сургалтад хамрагдсан төрийн албан хаагчид дараагийн хоёр, гурав дахь шатны хэлэлцүүлгийг баг, сумддаа үргэлжлүүлэн зохион байгуулна.
Төсөл хэлэлцүүлэгч баг үргэлжлүүлэн Монгол Улсын Үндсэн хуульд оруулах нэмэлт, өөрчлөлтийн төслийн талаар иргэдийн дунд хэлэлцүүлэг өрнүүлж, Үндсэн хуульд оруулах нэмэлт, өөрчлөлтийн төсөлд иргэдээс санал авав. Өнөөдрийн хэлэлцүүлэгт 180 гаруй иргэн оролцов. Хэлэлцүүлгийн үеэр иргэд Үндсэн хуульд оруулах нэмэлт, өөрчлөлтийн төслийг дэмжиж буйгаа илэрхийлэхийн зэрэгцээ хэлэлцүүлэгч баг хуулийн заалтуудыг харьцуулан тайлбарлаж буйд талархалтай байв.
Иргэдийн зүгээс Дархан хотын статусыг сэргээх, сумын Засаг даргыг нийт иргэдийн дундаас сонгох, багийн Засаг даргыг сумын Засаг дарга томилох нь зүйтэй, УИХ-ын гишүүдийг эргүүлэн татах эрхийг ард түмэнд олгох, тэдэнд хариуцлага тооцох зэрэг асуудлуудад нэгдмэл саналтай байв.
Төсөл хэлэлцүүлэгч баг үргэлжлүүлэн Дархан-Уул аймгийн Шарын гол суманд Монгол Улсын Үндсэн хуульд оруулах нэмэлт, өөрчлөлтийн төслийн талаарх сургалт, хэлэлцүүлгийг энэ сарын 18-ны өдөр зохион байгуулах аж.
Ж.Золзаяа
