Дорнодын багш нарын 40 хувь нь ажил хаяв
ОРОН НУТГИЙН МЭДЭЭ | ДОРНОД
Дорнод /МОНЦАМЭ/ Багш нарын цалинг нэмэгдүүлэх түр хорооноос хоёр дахь өдрийн сануулах ажил хаялтыг өчигдөр зарласан билээ. Энэ ажил хаялтад Дорнод аймгийн багш нар 40 хувьтай оролцлоо.
Аймгийн төвийн 8 сургуулийн 4 нь, сумдын 14 сургуулийн 6 нь ажил хаялтад нэгдсэн байна. Түүнчлэн, аймгийн хэмжээнд ганцхан цэцэрлэг ажил хаялтад нэгдсэн нь Баяндун сумын цэцэрлэг аж. Энэ сарын 21-ний өдрийн ажил хаялтаас тоо цөөрсөн гэж “Багш нарын цалинг нэмэгдүүлэх түр хороо”-ныхон үзэж байна.
Цалингүй ажил хаялтад нэгдэх багш нарын тоо цөөрсөн шалтгааныг зарим сургууль, цэцэрлэг дэмжиж байгаа ч эцэг эхчүүддээ мэдэгдэл өгөөгүй, захирал эрхлэгч нарт очсон мэдэгдэл нь хожимдсноос болсон гэж тайлбарлав. Мөн зарим багш нар цалингүй ажил хаялтад оролцохыг хүсээгүй байна.
Аймгийн төвийн 8 сургуулийн 4 нь, сумдын 14 сургуулийн 6 нь ажил хаялтад нэгдсэн байна. Түүнчлэн, аймгийн хэмжээнд ганцхан цэцэрлэг ажил хаялтад нэгдсэн нь Баяндун сумын цэцэрлэг аж. Энэ сарын 21-ний өдрийн ажил хаялтаас тоо цөөрсөн гэж “Багш нарын цалинг нэмэгдүүлэх түр хороо”-ныхон үзэж байна.
Цалингүй ажил хаялтад нэгдэх багш нарын тоо цөөрсөн шалтгааныг зарим сургууль, цэцэрлэг дэмжиж байгаа ч эцэг эхчүүддээ мэдэгдэл өгөөгүй, захирал эрхлэгч нарт очсон мэдэгдэл нь хожимдсноос болсон гэж тайлбарлав. Мөн зарим багш нар цалингүй ажил хаялтад оролцохыг хүсээгүй байна.
Д.Дэлгэрмаа