400 сая хүн чихрийн шижинтэй байна

Дэлхийд | Эрүүл мэнд
aminaa@montsame.mn
2015-11-24 10:23:46

ТЕГЕРАН. /IRNA/. Дэлхий даяар 400 сая хүн чихрийн шижинтэй бөгөөд чихрийн шижин өвчний тохиолдол өсөж буйг сүүлийн үеийн статистик мэдээ харуулж буй талаар Ираны Эрүүл мэнд, боловсролын эмчилгээний орлогч сайд Бакер Ларижани мэдээлжээ.

“Чихрийн шижин өвчний Ираны хэлэлцүүлэг” сэдэвтэй хурлын үеэр үг хэлэхдээ, уг хурал нь чихрийн шижнээс сэргийлэх арга замыг олох, сөрөг нөлөөг багасгах зорилготой юм гэж тэрбээр хэлжээ.

Чихрийн шижин өвчтэй болсон хүмүүст зориулсан зохих төлөвлөлт хийснээр албан тушаалтнуудын анхаарлыг тэр хүмүүст хандуулахыг эрмэлзэж байна гэж Ларижани хэлсэн байна.

“Дэлхийд 38 орчим сая хүн халдварт бус өвчнөөр нас бардаг бөгөөд эрт нас баралтаас урьдчилан сэргийлэх шаардлагатай төлөвлөлт хийх хэрэгтэй” гэж  тэрбээр нэмж хэлэв.

Дэлхийн эрүүл мэндийн байгууллага зэрэг олон улсын байгууллагатай хамтын ажиллагаагаа өргөжүүлэх болон бусад улсын туршлагаас суралцах замаар чихрийн шижин өвчний талаарх улсын баримт бичгийг Иран бэлдэнэ.

Х.Аминаа

 

Холбоотой мэдээ