Улаанбаатар
Сонгинохайрхан дүүрэгт шүлхий гарсан эсэхийг эцсийн байдлаар тогтоогоогүй байна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Нийслэлийн Сонгинохайрхан дүүргийн нутаг дэвсгэрт шүлхий өвчин гарсан тухай мэдээлэл олон нийтийн сүлжээгээр цацагдсан.
Энэ талаар Нийслэлийн мал эмнэлгийн газрын дарга М.Адилбишээс тодруулахад, “Сонгинохайрхан дүүргийн 32 дугаар хорооны нэг өрхийн үхэрт шүлхийтэй төстэй өвчний шинж тэмдэг илэрсэн. Одоогоор тус хэсэгт түр хугацааны хорио цээр тогтоож, шинж тэмдэг илэрсэн үхрээс дээж авч Улсын мал эмнэлэг, ариун цэврийн төв лабораторид хүргүүлээд байна. Шинжилгээний хариу хараахан гараагүй байгаа. Тиймээс шүлхий гарсан гэж хэлэх боломжгүй. Олон нийтийн сүлжээгээр Булган аймгаас ачиж ирсэн мал шүлхийтэй байсан гэсэн мэдээлэл тархсан. Одоогоор тухайн хэсэгт тандалт судалгааны ажил хийж байна. Шинжилгээний хариу өнөөдөр орой эцсийн байдлаар гарна. Хариу гарахаас өмнө дэлгэрэнгүй мэдээлэл өгөх боломжгүй” гэлээ.
Энэ талаар Нийслэлийн мал эмнэлгийн газрын дарга М.Адилбишээс тодруулахад, “Сонгинохайрхан дүүргийн 32 дугаар хорооны нэг өрхийн үхэрт шүлхийтэй төстэй өвчний шинж тэмдэг илэрсэн. Одоогоор тус хэсэгт түр хугацааны хорио цээр тогтоож, шинж тэмдэг илэрсэн үхрээс дээж авч Улсын мал эмнэлэг, ариун цэврийн төв лабораторид хүргүүлээд байна. Шинжилгээний хариу хараахан гараагүй байгаа. Тиймээс шүлхий гарсан гэж хэлэх боломжгүй. Олон нийтийн сүлжээгээр Булган аймгаас ачиж ирсэн мал шүлхийтэй байсан гэсэн мэдээлэл тархсан. Одоогоор тухайн хэсэгт тандалт судалгааны ажил хийж байна. Шинжилгээний хариу өнөөдөр орой эцсийн байдлаар гарна. Хариу гарахаас өмнө дэлгэрэнгүй мэдээлэл өгөх боломжгүй” гэлээ.
Ч.Ариунболд
