Улаанбаатар
Хятад улс В.Путинд баяр хүргэв
ДЭЛХИЙН МЭДЭЭ | УЛС ТӨР
БЭЭЖИН. /Синьхуа/. ОХУ-ын ерөнхийлөгчөөр ажиллах дөрөв дэх удаагийн үүрэгт хугацаагаа албан ёсоор эхлүүлсэнтэй нь холбогдуулан Владимир Путинд Хятад улсын ГХЯ баяр хүргэсэн тухай “Синьхуа” агентлаг мэдээлэв.
Хятад улсын ГХЯ-ны хэвлэлийн төлөөлөгч Гөн Шуан өнөөдөр мэдэгдэл хийхдээ “Ерөнхийлөгч В.Путины удирдлага дор ОХУ-ын нийгэм-эдийн засаг улам бүр цэцэглэн хөгжинө гэдэгт Хятад улс итгэлтэй байна. Хятад улсын дарга Си Жиньпин, Оросын Ерөнхийлөгч В.Путин нарын хүчин чармайлтын ачаар хоёр орны харилцаа өндөр түвшинд хүрч хөгжөөд байна. Манай хоёр улсын янз бүрийн түвшний албаны хүмүүс харилцан айлчилж, хоёр талын харилцаа болоод харилцан итгэлцэл олон салбарт бэхжиж байна” гэжээ.
Мөн тэрбээр хэлэхдээ “Үүний зэрэгцээ манай хоёр улс бүс нутаг болоод олон улсын томоохон асуудлуудыг цаг тухайд нь авч хэлэлцэж, нягт хамтран ажиллах замаар дэлхийн энх тайван болоод тогтвортой байдалд чухал хувь нэмэр оруулсаар байна” гэсэн байна.
Өнгөрсөн гуравдугаар сард болсон Оросын ерөнхийлөгчийн сонгуульд үнэмлэхүй ялалт байгуулсан В.Путин өчигдөр тангараг өргөж, дөрөв дэх удаагаа Оросын төрийн тэргүүнээр ажиллаж эхэлсэн юм.
Хятад улсын ГХЯ-ны хэвлэлийн төлөөлөгч Гөн Шуан өнөөдөр мэдэгдэл хийхдээ “Ерөнхийлөгч В.Путины удирдлага дор ОХУ-ын нийгэм-эдийн засаг улам бүр цэцэглэн хөгжинө гэдэгт Хятад улс итгэлтэй байна. Хятад улсын дарга Си Жиньпин, Оросын Ерөнхийлөгч В.Путин нарын хүчин чармайлтын ачаар хоёр орны харилцаа өндөр түвшинд хүрч хөгжөөд байна. Манай хоёр улсын янз бүрийн түвшний албаны хүмүүс харилцан айлчилж, хоёр талын харилцаа болоод харилцан итгэлцэл олон салбарт бэхжиж байна” гэжээ.
Мөн тэрбээр хэлэхдээ “Үүний зэрэгцээ манай хоёр улс бүс нутаг болоод олон улсын томоохон асуудлуудыг цаг тухайд нь авч хэлэлцэж, нягт хамтран ажиллах замаар дэлхийн энх тайван болоод тогтвортой байдалд чухал хувь нэмэр оруулсаар байна” гэсэн байна.
Өнгөрсөн гуравдугаар сард болсон Оросын ерөнхийлөгчийн сонгуульд үнэмлэхүй ялалт байгуулсан В.Путин өчигдөр тангараг өргөж, дөрөв дэх удаагаа Оросын төрийн тэргүүнээр ажиллаж эхэлсэн юм.
Г.Доржханд
