Улаанбаатар
Д.Трампын шийдвэрийг Б.Обама "маш ноцтой алдаа" гэв
ДЭЛХИЙН МЭДЭЭ | УЛС ТӨР
ВАШИНГТОН. /Ройтерс/. Ираны цөмийн хөтөлбөрийн асуудлаарх хэлэлцээрээс АНУ-ыг гаргах тухай Дональд Трампын шийдвэрийг АНУ-ын Ерөнхийлөгч асан Барак Обама “маш ноцтой алдаа” гэж тодорхойлов.
"Ройтерс" агентлагийн мэдээлснээр, Б.Обама өчигдөр мэдэгдэл хийхдээ “Иран улсын цөмийн хөтөлбөрийг зогсоож, тус улсыг цөмийн зэвсэгтэй болохоос урьдчилан сэргийлж чадсан энэ түүхэн хэлэлцээрээс АНУ-ыг гаргаж байгаа нь “маш ноцтой алдаа” юм. Вашингтоны Европын холбоотнууд, олон улсын шинжээчид болоод АНУ-ын одоогийн Батлан хамгаалахын сайд ч надтай адил бодолтой байна” гэсэн байна.
"Ройтерс" агентлагийн мэдээлснээр, Б.Обама өчигдөр мэдэгдэл хийхдээ “Иран улсын цөмийн хөтөлбөрийг зогсоож, тус улсыг цөмийн зэвсэгтэй болохоос урьдчилан сэргийлж чадсан энэ түүхэн хэлэлцээрээс АНУ-ыг гаргаж байгаа нь “маш ноцтой алдаа” юм. Вашингтоны Европын холбоотнууд, олон улсын шинжээчид болоод АНУ-ын одоогийн Батлан хамгаалахын сайд ч надтай адил бодолтой байна” гэсэн байна.
“Ираны цөмийн хөтөлбөр болоод Умард Солонгосын цөмийн хөтөлбөр хоёр бол үндсэндээ адил зүйл. Умард Солонгосыг цөмийн хөтөлбөрөөс нь татгалзуулахаар ажиллаж буй АНУ Ираны цөмийн хөтөлбөрийн асуудлаарх хэлэлцээрээс гарч байгаа нь маш ойлгомжгүй бөгөөд болчимгүй хэрэг” гэж Ерөнхийлөгч асан хэлжээ.
Тэрбээр цааш нь ярихдаа “Энэ хэлэлцээрээс гарснаар одоо АНУ-д цөмийн зэвсэгтэй Иран эсвэл Ойрхи Дорнодын дахин нэг дайн гэсэн хоёр сонголтын аль нэгийг сонгох үлдэж байна” гэжээ.
Ираны эсрэг авсан эдийн засгийн хориг арга хэмжээнүүдийг цуцлахаар болсны хариуд тус улс цөмийн хөтөлбөрөөсөө татгалзах тухай хэлэлцээрийг 2015 онд АНУ тэргүүтэй зургаан улстай байгуулж байсан билээ.
Г.Доржханд
