Ulaanbaatar
СЭЛЭНГЭ: Хүйтний эрч чангарна
ОРОН НУТГИЙН МЭДЭЭ | СЭЛЭНГЭ
Сүхбаатар,
2023 оны арванхоёрдугаар сарын 12 /МОНЦАМЭ/. Ойрын өдрүүдэд хүйтний эрч
чангарч Хараа, Ерөө, Орхон Сэлэнгийн сав газраар илүү хүйтэн байхыг аймгийн
УЦУОШГ-аас онцгойлон анхааруулж байна.
Өнөөдрийн 20.00 цагаас маргаашийн
20.00 цаг хүртэлх цаг агаарын урьдчилсан мэдээгээр Сэлэнгэ аймгийн нутгаар багавтар
үүлтэй. Цас орохгүй. Салхи баруунаас секундэд 4-9 метр. Агаарын температур
шөнөдөө -32-37 градус, өдөртөө -24-29 градус хүйтэн байна.
Сүхбаатар хот орчмоор багавтар
үүлтэй. Цас орохгүй. Салхи баруунаас секундэд 4-9 метр. Агаарын температур шөнөдөө -34-36 градус,
өдөртөө -26-28 градус хүйтэн байна.
12 дугаар сарын 13-17-ныг
хүртэлх 5 хоногийн цаг агаарын урьдчилсан мэдээгээр цас орохгүй. Салхи
баруунаас 4-9 м/с байна. Агаарын температур шөнөдөө -33-38 градус, өдөртөө
-24-29 градус хүйтэн байна.
