Ulaanbaatar
Э.Содномпилжээ, У.Сүрэнжав нар шилдгийн шилдэг тамирчин боллоо
МОНГОЛЫН МЭДЭЭ | СПОРТ
Улаанбаатар, 2023 оны арванхоёрдугаар сарын 15 /МОНЦАМЭ/. Монголын үндэсний паралимпын хорооны 2023 оны шилдгийн
шилдгийг шалгаруулах ёслол “Улаанбаатар” зочид буудлын “Баянзүрх” танхимд боллоо.
Улирч буй онд манай улсын пара тамирчид ДАШТ, Азийн наадам, Азийн АШТ, Дэлхийн цом болон гранпри тэмцээн, наадмуудаас нийт 132 (алт 62, мөнгө 43, хүрэл 27) медаль хүртжээ.
2023 оны спортын онцлох үйл явдал болох “Ханжөү-2022” Азийн зуны спортын наадмаас Монголын тамирчид найман медальтай ирсэн бөгөөд одоогийн байдлаар “Парис-2024” зуны паралимпын гурван эрхийг эх орондоо авчирсан байна.
МҮПХ-ны оны шилдгүүд:
- Шилдэгийн шилдэг тамирчин: Хөдөлмөрийн баатар,
гавьяат тамирчин Э.Содномпилжээ
- Шилдэгийн шилдэг эмэгтэй тамирчин: У.Сүрэнжав
- Шилдэг эрэгтэй тамирчин: Гавьяат тамирчин
Г.Болор-Эрдэнэ
- Шилдэг эмэгтэй тамирчин: Л.Туруунаа
- Шилдэг эрэгтэй дасгалжуулагч: Д.Батнасан
- Шилдэг эмэгтэй дасгалжуулагч: Б.Нарантуяа
- Шилдэг залуу тамирчин: Г.Даваахүү
- Шилдэг спортын холбоо: Монголын пара хөнгөн
атлетикийн холбоо
- Оны онцлох тамирчин: Д.Ганбат
Оны шилдгийн шилдэг тамирчин болсон Э.Содномпилжээ
нь 2023 онд пауэрлифтингийн ДАШТ-ээс мөнгө, Дэлхийн цомоос алт, Азийн АШТ-ээс
алт, “Ханжөү-2023” Азийн зуны спортын пара наадмаас мөнгө, “Хөгжлийн
бэрхшээлтэй тамирчдын дэлхийн наадмаас алтан медаль хүртсэн юм. Тэрбээр МҮПХ-ны
оны шилдгийн шилдэг цомыг дөрөв дэх удаагаа хүртэж байгаа ба өмнө нь 2016,
2018, 2021 онд гардаж байсан юм.
Харин шилдгийн шилдэг эмэгтэй тамирчин болсон
У.Сүрэнжав нь таеквондогийн 2023 оны ДАШТ-ээс хүрэл, “Ханжөү-2022” Азийн пара
наадмын мөнгө, Австрали, Франц, Мексикийн гранпри тэмцээнээс алт, мөнгөн медаль
хүртсэн юм.
Энэ ёслолын үеэр МҮПХ-ны ерөнхийлөгчийн нэрэмжит шагналыг Монголын тэргэнцэртэй сэлэмний холбооны нарийн бичгийн дарга О.Анударьд олголоо. Түүнийг тэргэнцэртэй иргэдийг багийн спортоор хичээллэх, спортын амжилт гаргахад үнэтэй хувь нэмэр оруулж, тус спортын төрлийг Монгол Улсад хөгжүүлэхэд онцгой гавьяа байгуулсан хэмээн шагнасан байна.
