Ulaanbaatar
Сүхбаатар аймгийн өмнөд хэсгийн нутгаар цас ахиу оржээ
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Өнгөрсөн шөнийн цас тус аймгийн өмнөд хэсгийн
нутгаар ахиу оржээ. Нийт нутгаар 6-12
см-ийн цасан бүрхүүл тогтож, гуу жалганд 15-20 см-ийн цастай байна. Өнгөрсөн
шөнөдөө ихэнх нутгаар цасан шуурга аюулт үзэгдлийн хэмжээнд ажиглагдан, 19-ний
өглөөгүүр тогтсон байна.
Баруун-Урт, Баяндэлгэр,
Онгон, Наран, Уулбаян, Халзан, Эрдэнэцагаан суманд хамгийн их цас оржээ. Энэ үеэр
салхины хүч Баруун-Урт суманд 18 м/с, бусад суманд 8-12 м/с хүртэл ширүүсчээ.
Энэ сарын 21-нд
дахин ихэнх нутгаар бага зэргийн цас орж, салхи 12-14 м/с хүрч хүчтэй
салхилан явган шуурга шуурна гэдгийг Ус, цаг уур орчны шинжилгээний төвөөс
мэдээллээ.
