Ulaanbaatar
БНАСАУ-ын асуудал хариуцсан АНУ-ын тусгай төлөөлөгч БНСУ-д айлчилна
ДЭЛХИЙН МЭДЭЭ | УЛС ТӨР
СӨҮЛ. /Yonhap/. БНАСАУ-ын асуудал хариуцсан АНУ-ын тусгай
төлөөлөгчийн алба тушаалд шинээр томилогдсон Сун Ким БНСУ-ын төлөөлөгчидтэй хэлэлцээ
хийхийн сацуу Японы цөмийн асуудал хариуцсан төлөөлөгчтэй гурван талт уулзалт
хийхээр Сөүл хотноо энэ долоо хоногийн сүүлээр айлчлах төлөвтэй байна гэж
БНСУ-ын Гадаад хэргийн яамны төлөөлөгч мэдээлжээ.
Сун Ким Сөүлд таван өдрийн айлчлал хийхээр бямба гарагт хүрэлцэн ирэх төлөвтэй байгаа ажээ. Түүний хувьд БНАСАУ-ын асуудал хариуцсан АНУ-ын тусгай төлөөлөгчийн хувиар БНСУ-д хийх анхны айлчлал нь энэ болно. АНУ-ын Ерөнхийлөгч Жо Байден БНСУ-ын төрийн тэргүүн Мүн Жэ Интэй өнгөрсөн сард уулзах үеэрэ Сун Кимийг уг албан тушаалд томилсон талаараа хэлсэн юм.
“Бид БНАСАУ-ын
асуудал хариуцсан АНУ-ын тусгай төлөөлөгч Сун Кимийн зургаадугаар сарын
19-23-нд хийх айлчлалын дэлгэрэнгүй хуваарийг гаргаж байна. Энэхүү айлчлалын
зорилго нь БНСУ, АНУ-ын төрийн тэргүүн нарын хүрсэн тохиролцоог түргэн
хугацаанд хэрэгжүүлэхэд оршиж байна” гэж ГХЯ-ны төлөөлөгч мэдээлжээ.
Мүн Жэ Интэй
тавдугаар сарын 21-нд анх удаагаа биечлэн уулзсанынхаа дараа Ж.Байден,
Солонгосын хойгийг цөмийн зэвсгээс ангижруулах чиглэлд бодит алхмуудыг
хэрэгжүүлэхийн төлөө Пёньянтай дипломат шугамаар холбоо тогтоох хүсэлтэй
байгаагаа илэрхийлсэн юм.
