Ulaanbaatar
Нэмэлт тунгийн хамрагдалт улсын дунджаас илүү байна
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Сүхбаатар аймагт коронавирусний
эсрэг дархлаажуулалтыг 13 байнгын цэг, 15 явуулын цэгээр зохион байгуулж байна.
Өнөөдрийн байдлаар хамрагдалт нэгдүгээр тун 96%, хоёрдугаар тун 92.6%, нэмэлт
буюу гуравдугаар тун 50%-тай байна. Нэмэлт тунгийн дархлаажуулалт улсын
дундажтай харьцуулахад 9,6%-иар илүү байна.
Сумдаас
Асгат, Халзан, Онгон сум хамгийн өндөр буюу 60 хувийн ирцтэй бусад сум доод
тал нь 40 хувьтай байна. Ерөнхийдөө дархлаажуулалтын хамрагдалт аймгийн хэмжээнд
сайн байгаа ч илүү идэвхжүүлэх шаардлагатай гэж аймгийн ЭМГ-аас мэдээлэв.
Тус
аймгийн хэмжээнд 12-оос дээш насны 46671 иргэн дархлаажуулалтад хамрагдах
ёстой. Сүүлийн 24 цагт халдварын 11 тохиолдол шинээр нэмэгдсэнээр нийт
батлагдсан тохиолдол 13873 болов.
