Ulaanbaatar
К.Валиеваг Олимпод оролцуулах эсэх шийдвэрээ CAS даваа гарагт мэдэгдэнэ
ДЭЛХИЙН МЭДЭЭ | СПОРТ
МОСКВА. /RIA Novosti/. Спортын арбитрын шүүх (CAS) ОХУ-ын уран гулгагч Камила Валиеваг Олимпын наадамд оролцуулах тухай хэргийн шийдвэрээ хоёрдугаар сарын 14-ний даваа гарагт зарлана гэж тус шүүхийн мэдэгдэлд дурджээ.
"Шийдвэрийг хоёрдугаар сарын 14-ний даваа гаргийн үдээс хойш талуудад танилцуулах төлөвтэй байна" гэж шүүхийн цахим хуудсанд бямба гарагт мэдээлсэн байна.
Шийдвэрийг ням гарагт Бээжингийн цагаар 20:30 цагт гаргана гэж мэдээлэлд онцлон тэмдэглэжээ.
Олон улсын тэшүүрийн холбоо мөн К.Валиевагийн асуудлаар CAS-д гомдол гаргасан бөгөөд түүнийг ОУОХ, WADA-ийн гомдлын хамт бүртгэжээ. Гурван гомдлыг хамтад нь авч хэлэлцэхээр болсон байна.
К.Валиевагийн сэргээшийн асуудалтай холбоотой хэргийн арбитрчаар Итали, Америк, Словенийн шүүгч нар томилогджээ.
