Ulaanbaatar
Үнийн өсөлтийн эсрэг цахим тэмцэлд нэгдлээ
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. МҮЭХ-ноос үнийн өсөлтийн эсрэг цахим тэмцлийг өрнүүлж,улмаар
Монгол Улсын Засгийн газарт шаардлага хүргүүлэхээр ажиллаж буй. Уг тэмцэлд
Сүхбаатар аймгийн ҮЭХ, холбооны гишүүн байгууллагын ажилтан албан хаагчид
болон иргэд нэгдэж байна.
Сургууль, цэцэрлэгүүд
болон Цайрт минераль компани, зарим төрийн байгууллагын ажилтнууд дээрх тэмцэлд
нэгдэж байгаагаа үнийн өсөлтийг эсэргүүцсэн, цалин хөлсийг
нэмэгдүүлэхийг шаардсан уриа лоозон барьж эсэргүүцлээ илэрхийлжээ.
Сүхбаатар аймагт сүүлийн нэг жилийн хугацаанд бензин 760-950 төгрөгөөр, өргөн хэрэглээний зарим бараа бүтээгдэхүүний үнэ 2-3 дахин буюу 25,1 хувиар өссөн байна. Энэ нь иргэдийн амьдралд асар их дарамт болж, авч буй цалин хөлс нь хаанаа ч хүрэхгүй үнийн өсөлтөд туйлдаж байгаа тухайгаа тэд ярьж байлаа.
