Ulaanbaatar
Италид газар хөдлөлтийн улмаас амиа алдсан хүмүүсийн тоо 291-д хүрч нэмэгдлээ
ДЭЛХИЙН МЭДЭЭ | НИЙГЭМРОМ. /Xinhua/. Италийн төвийн нутагт 6.2 баллын хүчтэй газар хөдлөлт болсны амиа алдсан хүмүүсийн тоо 291 болж нэмэгдлээ гэж тус улсын Иргэний хамгааллын ерөнхий газар өчигдөр орой мэдэгдлээ.
Тус улсын газар хөдлөлтөд хамгийн их өртсөн Аматриче хотод амиа алдсан хүмүүийн тоо 230 болж нэмэгдсэн бол Аккумоли болон Аркуата-дель-Тронто хотод тус бүр 11 болон 50 хүн амиа алджээ.
Аркуата-дель-Тронто хотод газар хөдлөлтийн улмаас гэмтэж бэртсэн нэгэн залуу эмнэлэгт нас барсан гэж албаны хүмүүс хэллээ.
181 хохирогчийн нэрсийн жагсаалтыг холбогдох албаны хүмүүс гаргасан байна. Тэдний хамгийн залуу нь 5 сартай бол хамгийн өндөр настай 93-тай ажээ. Румыны 6, Их Британийн 3, Испани, Канад болон Албанийн тус бүр нэг иргэн энэ гамшигт нэрвэгдэн амиа алдсан гэнэ.
Италийн төвийн бүс нутагт лхагва гарагаас хойш 1300 гаруй удаа газар хөдлөлтийн дараах түлхэлт, тэдгээрийн дотор 4.8 баллын хүчтэй түлхэлт мэдрэгджээ.
Орон гэргүй болсон 2500 орчим хүн майхан болон хорогдох байрнуудад хоног төөрүүлж байна.
Г.Доржханд
