Ulaanbaatar
ДАРХАН-УУЛ: Цэргийн шинэчилсэн бүртгэлээс зайлсхийсэн тохиолдолд хуулийн хариуцлага хүлээлгэнэ
ОРОН НУТГИЙН МЭДЭЭ | ДАРХАН-УУЛ
Дархан, 2024 оны нэгдүгээр сарын 4 /МОНЦАМЭ/. Цэргийн албаны тухай хуулийн 34
дүгээр зүйлийг удиртгал болгон аймгийн Засаг даргын 2023 оны 01-А/345 дугаар
захирамжаар 2024 оны цэргийн шинэчилсэн бүртгэл өнөөдрөөс эхэлж байна. Энэ сарын 19-ний өдөр
хүртэл үргэлжлэх шинэчилсэн бүртгэлд 18-50 насны эрчүүд, цэргийн албанд ажиллаж
байсан, мэргэжил эзэмшсэн эмэгтэйчүүд харьяа багийн төвдөө бүртгүүлэх ажээ.
Амьдарч
буй багийн төвд очиж цэргийн
бүртгэлд хамрагдахдаа дараах бичиг баримтыг бүрдүүлнэ.
Үүнд:
1. Иргэний үнэмлэх
2. Цэргийн үүрэгтний үнэмлэх (Бэлтгэл
офицер, ахлагчийн үнэмлэх)-тэй ирж тэмдэглэл хийлгэх
Цэргийн үүрэгтний үнэмлэхээ хаяж гээгдүүлсэн болон шинээр 18 нас хүрсэн
иргэд:
1. 3х4 хэмжээний цээж зураг 2 хувь,
2. Иргэний цахим үнэмлэх, (төрсний
гэрчилгээ)
Цагдаа, Тагнуул, Онцгой байдлын
газар, Шүүх шинжилгээний алба, Зэвсэгт хүчний байгууллагын албан хаагчид
офицер, ахлагчийн үнэмлэхтэй очих ажээ.
Бүртгэлийг цагийн хуваарийн тухайд ажлын өдрүүдэд 09.00-17.00 цагийн хооронд
хийнэ.
Заасан хугацаанд цэргийн бүртгэлд
хамрагдаагүй, зайлсхийсэн иргэдэд зөрчлийн тухай хууль, тогтоомжид заасны дагуу
хариуцлага хүлээлгэх ажээ.
