Ulaanbaatar
ӨМНӨГОВЬ: Нийт төгсөгчийн 44.2 хувь нь шууд ажлын байртай боллоо
ОРОН НУТГИЙН МЭДЭЭ | ӨМНӨГОВЬ
Даланзадгад,
2025 оны нэгдүгээр сарын 22 /МОНЦАМЭ/. ШУТИС-ийн Өмнөговь аймаг дахь технологийн
дээд сургуулийн харьяа Политехникийн коллежийн өвлийн төгсөлтөөр техникийн
болон мэргэжлийн боловсролоор 183 суралцагч амжилттай төгслөө.
Тодруулбал,
техникийн боловсролын чиглэлээр 25,
мэргэжлийн боловсролоор чиглэлээр 9, мэргэжлийн ангийг 158 нийт 183 оюутан
суралцагч төгсөж, мэргэжлийн үнэмлэх, дипломоо
гардан авчээ.
Нийт
төгсөгчийн 44.2 хувь нь шууд ажлын байртай болон төгсөж байгаа нь өмнөх
жилийнхтэй харьцуулахад төгсөгчдийн хөдөлмөр эрхлэлт 15.1 хувиар өссөн байна.
Төгсөгчдийн
дунд "Бидний мэдэх уурхай" үйл ажиллагааг эхлүүлж, "Залуус"
дэд хөтөлбөрийн хүрээнд ШУТИС-ийн харьяа Өмнөговь аймаг дахь Технологийн дээд
сургууль, Политехник коллеж, Коосэн технологийн коллежийн уул уурхай,
мэдээллийн технологийн чиглэлээр суралцаж буй 70 гаруй оюутан, багш,
удирдлагын хамтаар Гашуун сухайт боомт дахь "Смарт Эко Транс" ХХК-ийн
Автомат удирдлагатай чингэлэг тээврийн терминалд зочилж, жолоочгүй нүүрс
тээврийн үйл ажиллагаа, бүтээн байгуулалттай танилцжээ.
