Ulaanbaatar
ОРХОН: Авто замын 70 хувийг шинэчлээд байна
ОРОН НУТГИЙН МЭДЭЭ | ОРХОН
Баян-Өндөр, 2025 оны наймдугаар сарын 28 /МОНЦАМЭ/. Орхон аймгийн нийт авто замын 70 хувийг өнөөдрийн байдлаар бүрэн шинэчлээд байгаа бол засвар арчилгаа шаардлагатай хуучин замуудын өргөтгөл, шинэчлэлийн ажлыг энэ онд багтааж дуусгахаар төлөвлөж байна. Тодруулбал, аймгийн төвийн 31 байршилд 65 тэрбум төгрөгийн төсвөөр авто замын ажил хийж байгаагийн 50 тэрбум төгрөгийг Эрдэнэт үйлдвэрээс, 15 тэрбумыг орон нутгийн өмчийн сангаас зарцуулж байна.
Орхон аймагт энэ онд аймгийн төсвийн 125 тэрбум төгрөгийн хөрөнгө оруулалтаар 266 ажил, улсын төсвийн 17.5 тэрбум төгрөгөөр хоёр ажил хийхээр төлөвлөн гүйцэтгэж байна.
