Ulaanbaatar
Ховд Их Сургууль хятадын Баруун хойтын үндэстний их сургуультай хамтран ажиллана
ОРОН НУТГИЙН МЭДЭЭ | ХОВД
Ховд/МОНЦАМЭ/ Ховд Их Сургууль /ХИС/-ийн захирал В.Сайнбаяр тэргүүтэй төлөөлөгчид БНХАУ-д хийсэн айлчлалаар ХИС, БНХАУ-ын Баруун хойтын үндэстний их сургууль/БХҮИС/-тай сургалт, эрдэм шинжилгээ, хүний нөөцийг чадавхжуулах чиглэлээр олон талт хамтын ажиллагаа хэрэгжүүлэх боломж нээгдлээ.
Баруун хойтын үндэстний их сургууль /БХҮИС/ нь 1950 оны 08 сард байгуулагдсан 28 бүрэлдэхүүний сургууль, зургаан судалгааны хүрээлэнтэй, 1922 багш, ажилтантай, 56 үндэстний 26293 оюутан суралцдаг БНХАУ-ын төрийн өмчийн их сургуулийн нэг юм.
Төлөөлөгчид тус сургуулийн Захирал Жао Дө Ань тэргүүтэй холбогдох удирдлагуудтай уулзалт хийж, багш, оюутан солилцох, туршлага судлах, төсөл хөтөлбөр хэрэгжүүлэх, ХИС-д магистр, докторын түвшинд оюутан элсүүлэн суралцуулах, зуны сургалт хамтран зохион байгуулах, Монгол хэл, соёлыг түгээн дэлгэрүүлэх зорилгоор багш БХҮИС-д томилон ажиллуулах зэрэг олон талаар санал солилцон, ирэх оноос бодит хамтын ажиллагааг эхлүүлэхээр тохиролцлоо.
Айлчлалын үеэр дэд захирал Б.Нямдорж, Л.Нямсүрэн нар Монгол хэл, соёлын сургуулийн оюутнуудад лекц уншиж, төгсөх курсийн оюутнууд, багш нартай уулзалт хийж, сургуулийн талаар товч танилцуулж, ХИС-д гадаадын оюутан элсүүлэн суралцуулах тухай дэлгэрэнгүй мэдээлэл өгч, багш, оюутнуудын сонирхсон асуултад хариуллаа.
Ийнхүү энэ удаагийн БНХАУ-ын Ганьсу, Чинхай мужид хийсэн айлчлал Хөхнуурын үндэстний их сургуультай хамтран хийх ажлын төлөвлөгөөг баталж, дараагийн улирлаас эхлүүлэх боломжийг бүрдүүлсэн, Баруун хойтын үндэстний их сургуультай шинээр харилцаа тогтоож, хамтран ажиллах чиглэлээ хэлэлцэн тохиролцсон үр дүнтэй айлчлал боллоо.
Төлөөлөгчид тус сургуулийн Захирал Жао Дө Ань тэргүүтэй холбогдох удирдлагуудтай уулзалт хийж, багш, оюутан солилцох, туршлага судлах, төсөл хөтөлбөр хэрэгжүүлэх, ХИС-д магистр, докторын түвшинд оюутан элсүүлэн суралцуулах, зуны сургалт хамтран зохион байгуулах, Монгол хэл, соёлыг түгээн дэлгэрүүлэх зорилгоор багш БХҮИС-д томилон ажиллуулах зэрэг олон талаар санал солилцон, ирэх оноос бодит хамтын ажиллагааг эхлүүлэхээр тохиролцлоо.
Айлчлалын үеэр дэд захирал Б.Нямдорж, Л.Нямсүрэн нар Монгол хэл, соёлын сургуулийн оюутнуудад лекц уншиж, төгсөх курсийн оюутнууд, багш нартай уулзалт хийж, сургуулийн талаар товч танилцуулж, ХИС-д гадаадын оюутан элсүүлэн суралцуулах тухай дэлгэрэнгүй мэдээлэл өгч, багш, оюутнуудын сонирхсон асуултад хариуллаа.
Ийнхүү энэ удаагийн БНХАУ-ын Ганьсу, Чинхай мужид хийсэн айлчлал Хөхнуурын үндэстний их сургуультай хамтран хийх ажлын төлөвлөгөөг баталж, дараагийн улирлаас эхлүүлэх боломжийг бүрдүүлсэн, Баруун хойтын үндэстний их сургуультай шинээр харилцаа тогтоож, хамтран ажиллах чиглэлээ хэлэлцэн тохиролцсон үр дүнтэй айлчлал боллоо.
А.Бямбасүрэн
