Ulaanbaatar
Ирак: "Лалын улс" Туркээр дамжуулан нефтээ борлуулдаг
ДЭЛХИЙН МЭДЭЭ | УЛС ТӨРБАГДАД. /Xinhua/. “Лалын улс” бүлэглэл олборлосон нефтийнхээ дийлэнхийг Туркээр дамжуулан, хууль бусаар наймаалдаг гэж Иракийн Ерөнхий сайд Хайдер аль-Абади мэдэгдэв.
“Лалын улс” террорист бүлэглэлийн Туркээр дамжуулан хийдэг нефтийн хууль бус наймааг таслан зогсоох нь ихээхэн ач холбогдолтойг тэрбээр онцолсон байна.
Ирак-Германы хоёр талын харилцаа болон “Лалын улс” бүлэглэлтэй тэмцэх асуудлаар хэлэлцэхээр Багдадад албан ёсны айлчлал хийж байгаа Германы Гадаад хэргийн сайд Франк-Вальтер Штайнмайертэй уулзах үеэрээ аль-Абади дээрх мэдэгдлийг хийжээ.
Иракийн эрх баригчдын зөвшөөрөлгүй тус улсын хойд нутаг руу Турк цэрэг илгээсэнтэй холбоотойгоор тус хоёр улсын харилцаа муудаж эхэлсэн байна.
Д.Нямтулга
