Ерөнхий хяналтын сонсгол зохион байгуулах асуудлыг хойшлуулав

ariunbold@montsame.gov.mn

2016-01-12 11:05:04

УИХ-ын Өргөдлийн байнгын хорооны өнөөдрийн хуралдаанаар эрүүл мэндийн салбарын тулгамдсан асуудлыг сонсох, шийдвэрлэх зорилго бүхий Ерөнхий хяналтын сонсгол зохион байгуулах тухай асуудлыг хэлэлцэх байсан ч С.Одонтуяа гишүүн горимын санал гаргаснаар тодорхойгүй хугацаагаар хойшлуулав.

С.Одонтуяа гишүүн, “Нийтийн сонсголын тухай хуулийн сонсгол зохион байгуулах дэгийн журам батлагдаагүй. Өөрөөр хэлбэл, Ерөнхий хяналтын сонсгол зохион байгуулахдаа ямар дэгээр, хэрхэн зохион байгуулах нь тодорхойгүй байгаа тул уг асуудлыг хойшлуулах саналтай байна” гэлээ.

Харин байнгын хорооны дарга О.Баасанхүү, “Эрүүл мэндийн салбартай холбоотой 400 гаруй санал ирсэн тул Ерөнхий хяналтын сонсгол зохион байгуулах тухай асуудлыг яаралтай хэлэлцэх шаардлагатай” хэмээв.

Ийнхүү С.Одонтуяа гишүүний гаргасан горимын саналыг хуралдаанд оролцсон гишүүдийн олонх буюу 75 хувь дэмжсэнээр Нийтийн сонсголын тухай хуулийн сонсгол зохион байгуулах дэгийн журам батлагдах хүртэл тодорхойгүй хугацаагаар хойшлуулав.

Ерөнхий хяналтын сонсгол зохион байгуулах асуудлыг хойшлуулав

Холбоотой мэдээ

Ким Ён Жү: Амар тайван нийгмийг бий болгох нийгмийн институц байгуулах зайлшгүй шаардлагатай байна

УИХ-ын дарга Г.Занданшатар НҮБ-ын 8 дахь Ерөнхий нарийн бичгийн дарга Бан Ги Мүнийг хүлээн авч уулзлаа

Дэлхий нийтээр тулгараад буй сорилтыг энх тайван, шударга ёсыг эрхэмлэж байж даван туулна

Унгар Улсын Үндэсний Ассамблейн дэд дарга Лежак Шандор тэргүүтэй төлөөлөгчдийг хүлээн авч уулзлаа

УИХ-ын сонгуулийн үеэр цагийн зөрүү харгалзахгүйгээр шуурхай ажиллахаа онцлов

Алтай дамнасан тогтвортой байдлынх шиг яриа хэлэлцээ ойр ойрхон болж байж хамтын ажиллагаа илүү бэхжинэ

Ерөнхийлөгч У.Хүрэлсүхэд Киргиз Улсын Парламентын дарга Н.Шакиев бараалхав

НҮБ-ын 8 дахь Ерөнхий нарийн бичгийн дарга Бан Ги Мүн Монголд хүрэлцэн ирээд байна

Монгол Улсад зорчсон тайланд иргэдийн тоо 2 дахин нэмэгджээ

бидэнтэй нэгдэх

Хандалт