Бөөрний архаг өвчтэй 600 сая гаруй хүн амьдарч байна

Видео
admin@example.com
2015-06-29 11:00:03

Өнөөдөр Бөөр хамгаалах Дэлхийн өдөр тохиож байна. Олон улсын бөөрний эмч нарын нийгэмлэгийн санаачлагаар Бөөр хамгаалах дэлхийн өдрийг 2006 оноос эхлэн дэлхий даяар зохион байгуулж, 200 гаруй улс оронд тэмдэглэн өнгөрүүлэх ажлыг зохион байгуулсаар иржээ. ДЭМБ-ийн тайланд дурьдсанаар дэлхийн нийт хүн амын 72 хувийг эзэлж байгаа халдварт бус өвчинд тэргүүлэх байрыг чихрийн шижин, даралт ихсэх,болон бөөрний архаг өвчин эзэлж  байна. Сүүлийн судалгаагаар дэлхийд бөөрний архаг өвчтэй 600 сая гаруй хүн бүртгэгджээ.  Тэгвэл монголд халвдарт бус өвчинийн дотор бөөрний архаг өвчлөл 3- рт байгаа бол сүүлийн 10 жилд хэвтэн эмчлүүлэгчдийг тэргүүлж байна. 
Бөөр бол хүний биенээс хорт бодисыг шүүж цусыг цэвэршүүлж бодисын солилцоог зохицуулдаг чухал эрхтэн. Гэвч хүний суурь өвчин, зохисгүй хоололт эмийн зүй хэрэглээ зэргээс болж өвчлөх эрсдэлтэй аж. Тиймээс өглөө бүр нэг аяга,өдөрт 2 л ус ууж байхыг зөвлөдөг байна. Бөөрний өвчлөл сүүлийн жилүүдэд улам залуужиж нярай хүүхдэд хүртэл илэрдэг болжээ.
Бөөрөө хамгаалах дэлхийн өдрийг Монгол Улс 2009 оноос тэмдэглэж ирсэн. Бөөр хамгаалах дэлхийн өдрийг энэ жил Бүх нийтээрээ бөөрөө хамгаалъя уриан дор тэмдэглэж байна. Тиймээс бөөрөө хэрхэн хамгаалах тухай олон нийтийн мэдлэгийг нэмэгдүүлэх зорилгоор сургалт сурталчилгаа үзлэгийг сургууль албан байгууллагуудаар явуулж байна. Мөн энэ өдрийн хүрээнд Батсүмбэр дэхь ахмадын асрах хөгжүүлэх төвийн ахмадуудад үзлэг оношилгоо хийж 4 сая төгрөгийн эм үнэгүй өгчээ. Бөөрний өвчин хүндэрсэн тохиолдолд нэг удаагийн эмчилгээнд 150-200 ам.долларын өртөг шаардагддаг. Эмнэлэгийн төсвийн 4 хувь нь зарцуулагддаг, бөөр ажиллагаагүй болбол амь нас эрсдэх аюултай тул эрт үед нь илрүүлж, эмчийн зааврын дагуу эмчилгээгээ хийж, бөөрөө хайрлах хэрэгтэйг мэргэжлийн эмч нар зөвлөж байна.

Холбоотой мэдээ
Сэтгэгдлүүд