Лалын шашинтнууд АНУ-д халдлага үйлдэхийг оролдож магадгүй
ДЭЛХИЙН МЭДЭЭ | УЛС ТӨРВАШИНГТОН. /TASS/. Лалын шашинтнууд, тухайлбал, "Лалын улс" бүлэглэлийн босогчид АНУ-ын нутаг дэвсгэрт шинээр халдлагууд зохион байгуулахыг оролдож магадгүй гэж тус улсын Тагнуулын төв газрын /ТТГ/ тэргүүн Жон Бреннан телевизийн “CBS” сувгаар ням гарагт мэдэгджээ.
Террористууд АНУ-д нэвтрэхийг хүсч байгаа гэж Бреннан үзэж байна. “Тэд хүмүүсээ, халдлага үйлдэхэд шаардлагатай материалуудаа илгээхийг эсвэл АНУ-д байгаа хүмүүст халдлага үйлдэхийг уриалахыг оролдох байх гэж бодож байна. Гэхдээ тэд заавал амжилтад хүрнэ гэж бодохгүй байна ” гэж Бреннан хэлжээ.
Лалын шашинтнууд илүү олон дэмжигчийг эгнээндээ нэгтгэхийн тулд “лалын шашинтнууд болон барууны ертөнцийг хооронд нь мөргөлдүүлэхэд өдөөн турхирахыг оролдож магадгүй” гэж үзэж байгаагаа Бреннан илэрхийлсэн байна.
Д.Жаргал