О.Насанбурмаа Дэлхийн аваргын төлөө барилдана
МОНГОЛЫН МЭДЭЭ | СПОРТУлаанбаатар /МОНЦАМЭ/. Чөлөөт бөхийн “Будапешт-2018” ДАШТ-ий эмэгтэйчүүдийн 65, 68, 72, 76 кг жингийн хагас шигшээ барилдаан өчигдөр /10.23/ болж, 72 кг-д Монгол Улсын гавьяат тамирчин Очирбатын Насанбурмаа аваргын төлөө барилдана.
Тэрбээр хагас шигшээ барилдаанд БНХАУ-ын Ван Хуаныг цэвэр ялснаар алтан медалийн төлөө Канадын бөхтэй хүч үзэхээр шалгарлаа.
Дэлхийн дэвжээнээс дөрөв дэх медалиа хүртэж байгаа О.Насанбурмаа
өнөөдөр Дэлхийн аваргын төлөөх барилдаанд
ДАШТ-ий хүрэл медальт, Пан-Америкийн гурван удаагийн аварга Жюстина Ди
Стасиотой хүч, ур чадвараа сорино.