Улаанбаатар
1962 оноос хойш 157 дахь "Улсын аварга малчин" төрлөө
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Дундговь аймгаас 2018 оны “Улсын аварга малчин”-аар 4, “Улсын аварга саальчин”-аар 1 хүн шалгарч, Улсын аварга малчдын тоо 1962 оноос хойш 157-д хүрлээ.
“Улсын аварга малчин”-аар Говь-Угтаал
сумын хоёрдугаар багийн малчин Сүрэндаваагийн Баянмөнх, Баянжаргалан сумын
Энгэр-Ус багийн малчин Батпүрэвийн Цолмонбаатар, Эрдэнэдалай сумын тавдугаар
багийн малчин Мөнхбаярын Галбадрах, Хулд сумын гуравдугаар багийн малчин
Лүндэгийн Өлзийбат нар тодорчээ.
Харин “Улсын аварга саальчин”-аар Дундговь аймгийн Дэрэн сумын Алаг-Өндөр багийн малчин Чүлтэмжамцын Наранцэцэг тодорсон байна.
1962 оноос 1999 он хүртэл нийт 91 малчин "Улсын аварга" малчин болж байсан бол 2000-2018 онд 65 малчин энэхүү алдар цолыг хүртжээ.
Оноор нь авч үзвэл 2015 болон 2017 онд Дундговь аймгаас хамгийн олон буюу 8 "Улсын аварга малчин" төрж байсан ажээ.
