АНУ-ын Сангийн сайд Хятад улсад айлчилна
ДЭЛХИЙН МЭДЭЭ | ЭДИЙН ЗАСАГБЭЭЖИН. /TASS/.
АНУ-ын Сангийн сайд Стивен Мнучин худалдааны асуудлаар
яриа хэлэлцээ хийх зорилгоор Хятад улсад энэ сарын 28-29-нд айлчилна хэмээн
Хятадын Худалдааны яамны албан ёсны төлөөлөгч Гао Фэн мэдэгджээ.
Хятад улсыг зорих АНУ-ын төлөөлөгчдийн бүрэлдэхүүнд Худалдааны төлөөлөгч
Роберт Лайтхайзер багтаж байгаа аж.
Хоёр улсын бараа бүтээгдэхүүнд ногдуулсан нэмэлт татварыг цуцлах янз бүрийн
хувилбарыг Хятад болон АНУ-ын эрх баригчид боловсруулж байгаа хэмээн Хятадын
Худалдааны орлогч сайд Ван Шоувэнь энэ сарын эхээр
мэдэгдсэн юм. Эцсийн байдлаар тохиролцоонд хүрэх найдвар бий болохыг тэрбээр
онцлон тэмдэглэсэн байна.