Улаанбаатар
“Малчид дуулж байна” улсын уралдаанд 48 малчин залуу оролцлоо
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Монголын үндэсний “Малчин”
телевизээс хоёр дахь жилдээ зохион байгуулж байгаа “Малчид дуулж байна” улсын
уралдааны 1, 2 дугаар шатны шалгаруулалт дуу хуурын өлгий-Дундговь аймагт болж,
малчид дуулах чадвараа харууллаа.
2018 оны “Малчид дуулж байна” улсын
анхдугаар уралдааны бүх үе шатыг Улаанбаатар хотноо зохион байгуулж байсан бол энэ жил "Малчин" телевиз аймаг бүрт очиж, уралдааны эхний хоёр шалгаруулалтыг хийж, илүү
олон малчинд тус уралдаанд оролцох боломжийг олгож байгаа ажээ.
Мандалговь хотноо зохион
байгуулсан энэхүү уралдааны эхний шатанд 13 сумаас 48 малчин залуу оролцож, хоёрдахь
шатанд 24 залуу өрсөлдөн тэднээс эхний 12 дуучин шалгарч, Улаанбаатар хотноо болох
улсын уралдаанд оролцох эрхийн бичгээ гардан авлаа.
Тус уралдаанд Өлзийт сумаас оролцогч
Ц.Пунсанцогвоо түрүүлж, Адаацаг сумын малчин Ц.Сэржмид, Өлзийт сумын оролцогч У.Гантогтох
нар удаалж, эхний гурван байранд шалгарсан оролцогчид “Малчин” телевизтэй хамтран ажилладаг
байгууллагуудын шагналаар шагнуулсан юм.
