ШХАБ-ын Залуучуудын зөвлөлийн хуралдаан болжээ
ДЭЛХИЙН МЭДЭЭ | УЛС ТӨРМОСКВА.
/TASS/. Шанхайн
хамтын ажиллагааны байгууллагын Залуучуудын зөвлөлийн XII хуралдаан Бишкек хотод болсон байна. Хуралдаанд ШХАБ-ын
Ерөнхий нарийн бичгийн дарга Владимир Норов оролцож, тус байгууллагын Залуучуудын зөвлөлийн
2018-2019 оны хугацаанд хийсэн ажлыг үнэлж дүгнэжээ.
ШХАБ-д залуучуудын бизнес эрхлэлт, аялал жуулчлалыг хөгжүүлэх нь өндөр ач
холбогдолтойг тэрбээр онцлон тэмдэглэхийн сацуу энэ чиглэлд онцгой анхаарал
хандуулахыг хуралдаанд оролцогчдоос хүссэн байна.
Түүнчлэн энэ сарын 4-9-нд Ставропольд болсон БРИКС болон ШХАБ-ын гишүүн
орнуудын Оюутны хавар олон улсын III их наадам амжилттай
зохион байгуулагдсаныг хуралдааны үеэр цохон тэмдэглэжээ.