Улаанбаатар
Туркт С-400 системийг байршуулахыг хүлээн зөвшөөрөхгүй байгаагаа мэдэгджээ
ДЭЛХИЙН МЭДЭЭ | УЛС ТӨР
НЬЮ-ЙОРК. /TASS/. Турк
улсад Оросын С-400 зенитын
пуужингийн системийг байрлуулах нь хүлээн зөвшөөршгүй явдал бөгөөд шинэ хориг
арга хэмжээ авч магадгүй байгаагаа АНУ-ын эрх баригчид Турк улсад мэдэгджээ. Энэ
тухай АНУ-ын Төрийн нарийн бичгийн дарга Майк Помпео “Bloomberg” агентлагт ярилцлага өгөхдөө мэдэгдсэн байна.
"Тав дахь үеийн F-35 сөнөөгч-бөмбөгдөгч онгоцны үйлдвэрлэлийн хөтөлбөрөөс
Туркийн эрх баригчдыг хассан. Бид нэмэлт хориг арга хэмжээ авч магадгүй.
Оросын С-400 системийг ашиглалтад оруулахгүй байхыг маш их хүсэж байсан.
Бид ийм зорилготой байсан бөгөөд Турк улстай хэдэн сарын туршид энэ
асуудлаар ярилцсан” хэмээн М.Помпео ярьжээ.
С-400-г нийлүүлэх 2.5 тэрбум ам.доллар бүхий гэрээг Турк улстай байгуулах тухайгаа ОХУ 2017 оны 9 дүгээр сард мэдэгдэж байсан юм. Технологийг Туркийн талд хэсэгчлэн дамжуулах тухай гэрээнд тусгагдсан бөгөөд эхний нийлүүлэлт нь энэ сарын 12-нд эхэлсэн юм. Турк С-400 системийг худалдан авахыг АНУ болон НАТО идэвхтэй эсэргүүцэж байгаа билээ.
